«قايرات» فۋتبولشىسى 21-عاسىردىڭ ۇزدىك شابۋىلشىلارى تىزىمىنە ەندى

نۇر-سۇلتان. قازاقپارات - حالىقارالىق فۋتبول تاريحى جانە ستاتيستيكاسى فەدەراتسياسى XXI عاسىردىڭ ۇزدىك شابۋىلشىلارىنىڭ ءتىزىمىن جاريالادى، دەپ حابارلايدى قازاقپارات.

وعان 2001 -جىلدىڭ 1-قاڭتارى مەن 2021 -جىلدىڭ 1-قاڭتارى ارالىعىندا جوعارى دارەجەدەگى كەم دەگەندە 200 گول سوققان فۋتبولشىلار كىردى.

تىزىمگە قازاقستاندىق كلۋبتىڭ ءبىر فۋتبولشىسى ەندى: الماتىلىق «قايراتتىڭ» فورۆاردى ۆاگنەر لاۆ 231 گول سوعىپ، 29-ورىندا تۇر. برازيليا ازاماتى نەيمار (225)، كاريم بەنزەما (220)، رادامەل فالكاو (212)، ەدين دجەكو (209) جانە ديەگو فورلان (206) سىندى الەم جۇلدىزدارىن باسىپ وزعان. ءتىزىمنىڭ ءبىرىنشى ورنىنا «يۋۆەنتۋس» ۇزدىگى كريشتيانۋ رونالدۋ جايعاسقان، ونىڭ ەنشىسىندە 462 گول بار.

ەكىنشى ورىندا «بارسەلونا» كاپيتانى ليونەل مەسسي (451 گول) تۇر. سونداي-اق ۇزدىك بەستىكتىڭ قاتارىندا «ميلان»-دىق زلاتان يبراگيموۆيچ (379 گول)، «باۆاريا» كلۋبىنىڭ ويىنشىسى روبەرت لەۆاندوۆسكي (332) جانە كارەراسىن اياقتاپ قويعان سينگاپۋر فۋتبولشىسى الەكساندر دجۋريچ (304) تۇر.

اۆتور: بالنۇر قوجاگەلدى