+7 (701) 759 90 19
-19 °С : نۇر-سۇلتان
-5 °С : الماتى
USD 423.87 EUR 505.25
RUB 5.59 CNY 64.43
جاڭالىقتار

جىل سايىن 21 مىڭعا جۋىق تۇلەك ج و و- عا تۇسە المايدى - ۇلتتىق كەڭەس

22 قازان 17:02
:ءبولىسۋ
جىل سايىن 21 مىڭعا جۋىق تۇلەك ج و و- عا تۇسە المايدى - ۇلتتىق كەڭەس

نۇر- سۇلتان. قازاقپارات - بۇگىن ۇلتتىق قوعامدىق سەنىم كەڭەسىنىڭ ءتورتىنشى وتىرىسىندا كەڭەس مۇشەسى ءلاززات قوجاحمەتوۆا اۋىل مەكتەپتەرى تۇلەكتەرىنە وقۋعا ءتۇسۋ كەزىندەگى كۆوتانى 50 پايىزعا جەتكىزۋدى سۇرادى، دەپ حابارلايدى قازاقپارات ءتىلشىسى.

«جىل سايىن 21 مىڭعا جۋىق مەكتەپ تۇلەگى جوعارى وقۋ ورنىنا تۇسە المايدى ەكەن. ونىڭ باسىم بولىگى اۋىلدان شىققاندار، ياعني اۋىلداعى ءبىلىم مەن قالاداعى ءبىلىم تەڭ ەمەس. ءبىراق ۋنيۆەرسيتەتكە تۇسەتىن كەزدە اۋىل مەن قالا وقۋشىسىنا تالاپ بىردەي قويىلادى. وسىعان بايلانىستى قازىر اۋىلدان شىققان تۇلەكتەر ۋنيۆەرسيتەتكە تۇسەتىن بولسا، 30 پايىز كۆوتا قاراستىرىلعان. ءبىز ءوز تاراپىمىزدان اۋىلدىق تۇلەكتەرگە ارنالعان كۆوتانى 50 پايىزعا دەيىن ارتتىرۋدى سۇرايمىز»، - دەدى ل. قوجاحمەتوۆا.

سونىمەن قاتار ول جاستار پراكتيكاسى باعدارلاماسىنا توقتالدى. «ديپلوم العان جاس وزىندە ەڭبەك ءوتىلى مەن تاجىريبە بولماعاننان كەيىن، جۇمىسقا تۇرا الماي جۇرەدى. جاستار پراكتيكاسى باعدارلاماسى ارقىلى كەز كەلگەن ۇلتتىق كومپانياعا، مەملەكەتتىك مەكەمەگە جۇمىسقا تۇرسا، جۇمىسپەن قامتۋ ورتالىعى ونىڭ 6 ايلىق جالاقىسىن تولەيدى. وسى مەرزىمدە سول جەردە ءوزىن جاقسى كورسەتە السا، بۇل مەكەمەلەردە جۇمىسقا قالادى. ءبىراق جاستار پراكتيكاسى باعدارلاماسى بويىنشا جۇمىس ىستەۋگە جاستار قۇلىقسىز. سەبەبى ونىڭ جالاقىسى قولعا العاندا 60 مىڭ تەڭگە شاماسىندا. وقۋدى ءبىتىرىپ كەلگەن جاس جىگىت 60 مىڭ تەڭگەگە ءومىر سۇرە المايتىندىقتان، بۇل باعدارلامامەن جۇمىسقا بارمايدى. سول سەبەپتى جاستار پراكتيكاسى ارقىلى تولەنەتىن جالاقى كولەمىن كوبەيتۋدى سۇرايمىز»، - دەدى كەڭەس مۇشەسى.

اۆتور: رۋسلان عابباسوۆ


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات