13:13, 19 - قىركۇيەك 2020 | GMT +6
قازاقستان مەن رەسەي 21- قىركۇيەكتەن باستاپ اۋە قاتىناسىن قالپىنا كەلتىرەدى
نۇر-سۇلتان. قازاقپارات - قازاقستان مەن رەسەيدىڭ ۋاكىلەتتى قۇرىلىمدارىنىڭ شەشىمىنە سايكەس، 2020-جىلعى 21- قىركۇيەكتەن باستاپ قازاقستان مەن رەسەي اراسىنداعى اۋە رەيستەرى قايتا اشىلادى، دەپ حابارلايدى قازاقپارات.
رەيستەر ءوزارا نەگىزدە اپتاسىنا ءبىر رەت جيىلىكپەن ورىندالادى. رەيستەر جانە بيلەتتەردى ساتۋ قازاقستان مەن رەسەي بەلگىلەگەن سانيتارلىق قاۋىپسىزدىك شارالارى كۇشەيتىلگەن جاعدايدا، شەكتەۋلەر الىنىپ جانە ەپيدەميولوگيالىق جاعدايدىڭ جاقسارۋىنا قاراي اۋە كومپانيالارىنىڭ سايتتارىندا جاريالانعان كەستەگە سايكەس جۇزەگە اسىرىلاتىن بولادى.
سونداي-اق، رەسەي تاراپى قىرعىزستان جانە بەلارۋس رەسپۋبليكالارىمەن حالىقارالىق اۋە قاتىناسىن قالپىنا كەلتىرۋ تۋرالى شەشىم قابىلدادى.