اسكەري كەمەدە بولعان جارىلىستان 21 ادام زارداپ شەكتى

None
None
لوندون. BBC - قازاقپارات - كاليفورنيانىڭ سان-ديەگو قالاسىندا ا ق ش اسكەري-تەڭىز كۇشتەرى بازاسىندا ورنالاسقان امەريكالىق «بونوم ريچارد» (USS Bonhomme Richard) دەسانتشىلار كەمەسىندە بولعان جارىلىس پەن ءورت سالدارىنان 17 تەڭىزشى مەن ءتورت ازاماتتىق قىزمەتكەر جاراقات الدى، دەپ حابارلايدى قازاقپارات BBC اگەنتتىگىنە سىلتەمە جاساپ.

كەمەدەگى ءورت جەكسەنبى كۇنى جەرگىلىكتى ۋاقىت بويىنشا تاڭعى ساعات 9:00 شاماسىندا باستالعان.

بۇل ۋاقىتتا دەسانتشىلار كەمەسىنە تەحنيكالىق قىزمەت كورسەتىلىپ جاتقان. كەمەدەن قارا ءتۇتىن شىققان.

امەريكالىق ب ا ق- تىڭ حابارلاۋىنشا، سونداي-اق كەمەدە جارىلىس بولعان. وقيعا ورنىندا ءورت سوندىرۋشىلەر مەن اسكەريلەر جۇمىس ىستەپ جاتىر، الايدا وتتى ءسوندىرۋ مۇمكىن بولمادى.

«17 تەڭىزشى مەن ءتورت ازاماتتىق تۇلعاعا جەرگىلىكتى اۋرۋحانادا كومەك كورسەتىلەدى. ولاردىڭ جاراقاتتارى قاۋىپتى ەمەس»، - دەپ حابارلادى امەريكالىق اسكەري تەڭىز فلوتى «Twitter» پاراقشاسىندا.


سوڭعى جاڭالىقتار