اقمولا وبلىسىندا 21 رەت الاياقتىق جاساعان ايەل ۇستالدى
ۆەدومستۆونىڭ مالىمەتىنشە، كۇدىكتى ارام ويىن تانىمال الەۋمەتتىك جەلىلەر ارقىلى جۇزەگە اسىرىپ كەلگەن. ماسەلەن، 2019-جىلدىڭ شىلدەسى مەن جەلتوقسان ايى ارالىعىندا «و ل ح» الەۋمەتتىك جەلىسى ارقىلى كوكشەتاۋ قالاسىندا پاتەر جالعا بەرىلەتىنى تۋرالى جارناما جاريالاعان.
«زارداپ شەككەندەردىڭ باسىم كوپشىلىگى ارزانعا پاتەر جالداماق بولعان ستۋدەنتتەر. ەڭ ءبىرىنشى پوليتسياعا كوكشەتاۋ قالاسىنداعى 19 جاستاعى ستۋدەنت قىزدان ارىز ءتۇستى. ودان كەيىن تاعى جەرگىلىكتى 20 ادامنان ارىزداندى»، - دەيدى ۆەدومستۆودان.
پ د باسپا ءسوز قىزمەتىنەن اتاپ وتكەندەي، الاياق ايەل جارناما بويىنشا قوڭىراۋ شالعان «كليەنتتەرىنە» پاتەر ىزدەگەن ادامنىڭ كوپتىگىن ايتىپ، الدىن الا جارنا تولەۋىن تالاپ ەتكەن. ول ءۇشىن كۇدىكتى «WhatsApp» مەسسەندجەرى ارقىلى جالعان قۇجاتتار مەن فوتو جىبەرىپ وتىرعان. وسىلايشا، كوكشەتاۋلىقتاردان الداپ 30000 جانە 40000 تەڭگە اقشا العان سوڭ كۇدىكتى كەيىن بايلانىسقا شىقپاي قويعان. اقشا ءارتۇرلى جولمەن العان. ءتىپتى، «Kaspi Gold» ارقىلى دا العانى دا انىقتالدى.
«جەدەل-ىزدەستىرۋ شاراسى كەزىندە كۇدىكتى رەتىندە پاۆلودار قالاسىنىڭ 26 جاستاعى تۇرعىنى ۇستالدى. كۇدىكتىنىڭ وسىنداي قىلمىسى ءۇشىن بۇرىن ءىستى بولعانى انىقتالدى. قازىرگى كەزدە، كۇدىكتىنىڭ ۇستىنەن ق ر قك 190- بابى (الاياقتىق) بويىنشا سوتقا دەيىنگى تەرگەۋ امالدارى جۇرگىزىلۋدە»، - دەپ تولىقتىردى ۆەدومستۆودان.