الماتى وبلىسىنداعى وتكىزۋ پۋنكتى ارقىلى قىتايدان 21 ادام ەۆاكۋاتسيالاندى

None
None
نۇر-سۇلتان. قازاقپارات - الماتى وبلىسىنداعى وتكىزۋ پۋنكتى ارقىلى قىتايدان 21 ادام ەۆاكۋاتسيالاندى دەپ حابارلادى وبلىس اكىمدىگىنىڭ باسپا ءسوز قىزمەتىنە سۇيەنگەن قازتاگ اگەنتتىگى.

«قىتايدان قازاقستاننىڭ 21 ازاماتى ەۆاكۋاتسيالاندى. 20 ازامات گۋانجوۋ جانە قۇلجادا بولعان، ولار پانفيلوۆ اۋدانىنداعى «نۇر جولى» وتكىزۋ پۋنكتى ارقىلى شەكارادان كەسىپ ءوتتى. تەپلوۆيزور ارقىلى تەكسەرگەن كەزدە ەكى ازاماتتان دەنە قىزۋى بايقالدى (37,5). ولار بىردەن پانفيلوۆ اۋداندىق ورتالىق اۋرۋحانانىڭ جۇقپالى اۋرۋلار ءبولىمىنىڭ بوكس پالاتاسىنا جاتقىزىلدى. دارىگەرلەر ولاردان سىناق ۇلگىلەرىن الدى. بۇعان قوسا، اۆتوبۋستاعى 19 ادام وبسەرۆاتسيالىق اۋرۋحاناعا ورنالاستى» دەلىنگەن حابارلامادا.

28- قاڭتاردا قازاقستاننىڭ باس سانيتارلىق دارىگەرى جانداربەك بەكشين قىتايدان كەلگەن بەس ادامنىڭ جەدەل رەسپيراتورلىق ۆيرۋستىق ينفەكتسيا (ورۆي) كۇدىگىمەن اۋرۋحاناعا تۇسكەنىن حابارلاعان. كەيىنىرەك الماتى قالالىق دەنساۋلىق ساقتاۋ باسقارماسى ءبىر ناۋقاستان كوروناۆيرۋس تابىلماعانىن ايتتى. كوكشەتاۋ وبلىستىق بالالار اۋرۋحاناسىنا تۇسكەن ەكى بالادان دا ۆيرۋس تابىلمادى.

قازاقستان قىتايدا تاراعان كوروناۆيرۋسقا بايلانىستى وسى ەلدىڭ ازاماتتارىنا ۆيزا بەرۋدى شەكتەگەن.

قىتايدا كوروناۆيرۋس جۇقپالى اۋرۋىنان ولگەندەر سانى سوڭعى دەرەكتەر بويىنشا 132 ادامعا جەتىپ، 5974 ادامنىڭ جۇقتىرعانى انىقتالدى. الەم ەلدەرىنىڭ ءبىرازى حالقىن قىتايعا بارۋدان تارتىنا تۇرۋعا شاقىرىپ جاتىر.

كوروناۆيرۋستى جۇقتىرعان ادامدار گەرمانيا، شري-لانكا، مالايزيا، وڭتۇستىك كورەيا، تايۆان، تايلاند، كانادا، نەپال، ۆەتنام، ساۋد ارابياسى، سينگاپۋر، جاپونيا، ا ق ش، فرانسيا، اۆستراليادا كەزىككەن.

«ازاتتىق»

سوڭعى جاڭالىقتار