قازاقستاندا 21 جاسقا تولماعاندارعا نەسيە بەرۋگە تىيىم سالۋ ۇسىنىلدى
پارلامەنت ءماجىلىسىنىڭ دەپۋتاتى نۇرجان التايەۆ جاستارمەن كەزدەستى. ءوزىنىڭ جاس ارىپتەستەرىمەن كەزدەسۋدەن العان اسەرىمەن دەپۋتات الەۋمەتتىك جەلىدە بولىسكەن.
التايەۆتىڭ ايتۋىنشا، جاس دەپۋتاتتار 21 جاسقا دەيىنگىلەرگە نەسيە، قارىز بەرۋگە تىيىم سالدۋى ۇسىندى. دەپۋتاتتاردىڭ دەرەگىنشە، اۋىلدان قالاعا وقۋعا كەلگەن جاستار قارجىلىق ساۋاتى بولماستان، ميكروقارجىلىق ۇيىمداردان ۇلكەن پايىزبەن قارىز الادى. ونى قايتارۋ ستۋدەنتتەر ءۇشىن قيىن بولماق
حالىق قالاۋلىسىنىڭ ايتۋىنشا، تۇراقتى تابىسى مەن جۇمىسى جوق ستۋدەنتتەردىڭ ۇرلىق، توناۋ، تارتىپ الۋ سياقتى قىلمىس جاساۋى وسىدان شىعادى.
ەسكە سالا كەتسەك، بۇعان دەيىن 2020-جىلدان باستاپ كىمگە كرەديت بەرىلمەيتىنى بەلگىلى بولعان.
2020-جىلدىڭ قاڭتارىنان «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قارجى نارىعى، ميكروقارجىلىق قىزمەت پەن سالىق سالۋدى رەتتەۋ جانە دامىتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ» تۋرالى زاڭ كۇشىنە ەندى.
وسىعان بايلانىستى كىرىسى كۇنكورىس دەڭگەيىنەن تومەن قازاقستاندىقتارعا كەپىلسىز نەسيە بەرىلمەيدى.
2020-جىلى ەڭ تومەنگى كۇنكورىس دەڭگەيى 31183 تەڭگە مولشەرىندە بەكىتىلگەن.