16:09, 23 - مامىر 2019 | GMT +6
ۋكراينا جوعارعى راداسى تارادى: كەزەكتەن تىس سايلاۋ 21 - شىلدەدە وتەدى
كيەۆ. قازاقپارات- ۋكرينفورم - ۋكراينا پرەزيدەنتى ۆلاديمير زەلەنسكييدىڭ VIII شاقىرىلىمداعى جوعارعى رادا وكىلەتتىگىن مەرزىمىنەن بۇرىن توقتاتۋ جانە كەزەكتەن تىس سايلاۋدى 21 - شىلدەدە وتكىزۋ تۋرالى جارلىعى كۇشىنە ەندى، دەپ حابارلايدى قازاقپارات ۋكراينفورمعا سىلتەمە جاساپ.
«ۋكراينا كونستيتۋتسياسىنىڭ 90-بابى ەكىنشى بولىگى 1-تارماعى، 83-بابى التىنشى جانە جەتىنشى بولىگى، 77-بابى ەكىنشى بولىگىنە جانە 106-بابى ءبىرىنشى بولىگى 7 جانە 8-تارماقتارىنا سايكەس، سەگىزىنشى شاقىرىلىمداعى ۋكراينا جوعارعى راداسىنىڭ وكىلەتتىگىن مەرزىمىنەن بۇرىن توقتاتۋدى قاۋلى ەتەمىن. ۋكراينا جوعارعى راداسىنىڭ كەزەكتەن تىس سايلاۋى 2019 -جىلدىڭ 21 - شىلدەسىندە وتكىزىلسىن» ، - دەلىنگەن قۇجاتتا.
ۋكراينا مينيسترلەر كابينەتىنە جوعارعى رادانىڭ كەزەكتەن تىس سايلاۋىن قارجىلاندىرۋ تاپسىرىلدى.
ۋكرينفورم حابارلاعانداي، زەلەنسكي 20 - مامىردا يناۋگۋراتسيادا سويلەگەن سوزىندە جوعارعى رادانى تاراتۋ تۋرالى مالىمدەگەن ەدى. 21 - مامىردا مەملەكەت باسشىسى رادا وكىلەتتىگىن مەرزىمىنەن بۇرىن توقتاتۋ تۋرالى جارلىققا قول قويدى.