+7 (701) 759 90 19 Лента
4 °С : استانا
15 °С : الماتى
USD 378.90 EUR 422.74
RUB 5.87 CNY 54.80
جاڭالىقتار

وتكەن جىلى 21 مىڭ توننا ۋران ءوندىرىلدى - اسەت ماعاۋوۆ

15 مامىر 13:12 143
:ءبولىسۋ
وتكەن جىلى 21 مىڭ توننا ۋران ءوندىرىلدى - اسەت ماعاۋوۆ

نۇر- سۇلتان. قازاقپارات - پارلامەنت ءماجىلىسىنىڭ جالپى وتىرىسىندا ق ر ەنەرگەتيكا ۆيتسە- ءمينيسترى اسەت ماعاۋوۆ قازاقستاندا ۋران ءوندىرۋدىڭ كولەمى تۋرالى ايتتى، دەپ حابارلايدى قازاقپارات ءتىلشىسى.

«ءبىز ۋران قورى بويىنشا الەمدە ەكىنشى ورىندامىز. ونىڭ قورى 1,5 ميلليون تونناعا باعالانۋدا. ءوندىرۋ باعىتىندا ءبىز الەمدە ءبىرىنشى ورىندامىز. بىلتىر 21,6 مىڭ توننا ۋران وندىردىك. جالپى، رەسۋرستىق بازانى ارى قاراي كەڭەيتۋ بويىنشا ەلەۋلى پەرسپەكتيۆالار بار. ۇلتتىق كومپانيا الدىندا تولىق وتىن سيكلىن قۇرۋ تۇرعىسىندا ءتيىستى مىندەت تۇر»، - دەدى ءا. ماعاۋوۆ.

وسى ورايدا، ۆيتسە- مينيستر وسكەمەندە قاجەتتى زاۋىت سالىنىپ جاتقانىن، 2019 -جىلى بۇل زاۋىت پايدالانۋعا بەرىلەتىنىن اتاپ ءوتتى.

«سونىمەن بىرگە، ءۇلبى زاۋىتىندا قىتايلىق سەرىكتەستەر ءۇشىن تابلەتكالاردى ءوندىرۋ ىسكە قوسىلدى. بىزدە ۇلتتىق يادرولىق ورتالىق اياسىندا زەرتتەۋ رەاكتورلارى بار، ولاردا رادياتسيالىق قاۋىپسىزدىك بويىنشا ءتۇرلى ماتەريالداردى زەرتتەۋ جۇرگىزىلەدى»، - دەدى ول.

مۇنىمەن قوسا، ءا. ماعاۋوۆ قازاقستاندا «توقاماق» زەرتتەۋ رەاكتورى سالىنعانىن ەسكە سالدى.

«بيىل ونى ءىس جۇزىندە پايدالانۋ ەسكەرىلىپ وتىر. جالپى، رەاكتور 100 پايىزعا دايىن تۇر. قازىرگى كەزدە وسى رەاكتوردا تۇراقتى پلازمانى الۋ جوسپارلانىپ وتىر. اتاپ ايتقاندا، بۇل كەلىسىم اياسىندا ەشقانداي شەكتەۋلەردى كورىپ تۇرعانىمىز جوق»، - دەدى ول.

 بۇدان بۇرىن حابارلانعاندا، بۇگىن پارلامەنت ءماجىلىسىنىڭ جالپى وتىرىسىندا «يادرولىق قارۋعا تىيىم سالۋ تۋرالى شارتتى راتيفيكاتسيالاۋ تۋرالى» زاڭ جوباسى ماقۇلداندى.

«سەمەي سىناق پوليگونىن جابۋ تۋرالى ەلباسىنىڭ تاريحي شەشىمى قازاقستان حالقىنىڭ كەڭ قولداۋىنا يە. شارتتى راتيفيكاتسيالاۋ قازاقستاننىڭ يادرولىق قارۋسىزدانۋ سالاسىنداعى باستامالارىمەن تولىقتاي سايكەس كەلەدى. وسى زاڭ جوباسىن قابىلداۋ رەسپۋبليكالىق جانە جەرگىلىكتى بيۋدجەتتەردەن قوسىمشا قاراجات ءبولۋدى تالاپ ەتپەيدى»، - دەدى ەرجان اشىقبايەۆ.

اۆتور: رۋسلان عابباسوۆ


باستى سوزدەر: بيلئك جانة ساياسات,
:ءبولىسۋ

اأتور:

novasa

ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
مۇراعات