USD 434.34 EUR 491.93
RUB 5.56 CNY 68.67
جاڭالىقتار

ءاربىر بالاعا - 21 مىڭ تەڭگە: جاردەماقىنىڭ جاڭا ءتۇرىن قالاي ەسەپتەۋ كەرەك؟

28 اقپان 11:57
:ءبولىسۋ
ءاربىر بالاعا - 21 مىڭ تەڭگە: جاردەماقىنىڭ جاڭا ءتۇرىن قالاي ەسەپتەۋ كەرەك؟

استانا. قازاقپارات - «نۇر وتان» پارتياسىنىڭ XVIII سەزىندە مەملەكەت باسشىسى نۇرسۇلتان نازاربايەۆ كوپبالالى وتباسىلاردا ءاربىر بالانىڭ جاردەماقىسىن 21 مىڭ تەڭگەگە دەيىن ارتتىرۋدى تاپسىرعان بولاتىن.

ال اتالعان تولەماقىنى الاتىنداردىڭ اي سايىنعى تابىسى ءبىر ادامعا شاققاندا كۇنكورىس دەڭگەيىنىڭ 70 پروتسەنتىنەن اسپاۋى ءتيىس، دەپ حابارلايدى قازاقپارات ءتىلشىسى.

ايتا كەتكەن ءجون، بۇگىندە ەلىمىزدە كۇنكورىستىڭ مينيمۋمى 29698 تەڭگەنى قۇرايدى. وسى ۋاقىتقا دەيىن اتاۋلى كومەكتى ءبىر ادامعا شاققاندا كۇنكورىس دەڭگەيىنىڭ 50 پروتسەنتىنەن، ياعني 14849 تەڭگەدەن اسپايتىن وتباسىلار السا، ەندى پرەزيدەنتتىڭ تاپسىرماسى بويىنشا اتالعان كورسەتكىش 70 پروتسەنتكە - 20789 تەڭگەگە دەيىن كوتەرىلەدى. سونىڭ ارقاسىندا كوپبالالى وتباسىلاردى الەۋمەتتىك كومەكپەن كوپتەپ قامتۋعا بولادى.

ەكونوميست ساپارباي جۇبايەۆتىڭ ايتۋىنشا، جاردەماقىنىڭ جاڭا ءتۇرىن ەسەپتەۋ ءۇشىن الدىمەن وتباسىنىڭ ءبىر ايلىق جالاقىسىن شىعارۋ قاجەت. سوسىن ونى وتباسىنىڭ بارلىق مۇشەلەرىنە ءبولۋ كەرەك. ەگەر ءبىر ادامعا شاققاندا اتالعان سوما كۇنكورىس دەڭگەيىنىڭ 70 پروتسەنتىنەن اسپاسا، 21 تەڭگەلىك جاردەماقىعا ىلىگۋگە بولادى. «ماسەلەن، اكەسى 50 مىڭ تەڭگە تاپسىن، شەشەسى تاعى 30 مىڭ تابادى. سوندا ولاردىڭ ءبىر ايلىق تابىسى 80 مىڭ تەڭگە بولادى. وتباسىدا اكە-شەشەسى جانە التى بالا بار دەيىك، سوندا ءبىر ايلىق تابىستى 8 ادامعا ءبولۋ كەرەك. دەمەك، ءارقايسىسىنا 10 مىڭنان تۇسەدى. قازىردىڭ وزىندە ول وتباسىنىڭ تابىسى ءبىر ادامعا شاققاندا كۇنكورىس دەڭگەيىنىڭ 50 پروتسەنتىنەن دە تومەن بولىپ تۇر. ونى تاعى 70 پروتسەنتكە كوتەرەمىز دەپ وتىر. ول 20 مىڭنىڭ ۇستىندە. بۇل دەگەنىمىز، كوپبالالى وتباسىنىڭ ايلىق تابىسى ءبىر بالاعا شاققاندا 20 مىڭنان تومەن بولسا، جاڭاعى 21 مىڭ تەڭگەنىڭ جاردەماقىسى بەرىلۋى كەرەك»، - دەدى س. جۇبايەۆ قازاقپارات تىلشىسىنە بەرگەن سۇحباتىندا.

پرەزيدەنتتىڭ كەشەگى تاپسىرماسىنا سايكەس، كوپبالالى وتباسىنىڭ تابىسى ەسەپتەلگەندە باسقا الەۋمەتتىك تولەمدەر - كوپبالالى انالار مەن مۇگەدەك بالالاردىڭ جاردەماقىلارى سانالمايدى.

ايتا كەتەيىك، كەشە ق ر پرەزيدەنتى نۇرسۇلتان نازاربايەۆ كوپبالالى وتباسىلاردا ءاربىر بالانىڭ تولەماقىسىن 21 مىڭ تەڭگەگە دەيىن ارتتىرۋدى تاپسىردى. «ۇكىمەتكە الەۋمەتتىك جاعىنان از قامتىلعان ازاماتتاردى، اسىرەسە، كوپبالالى وتباسىلاردى قولداۋ شارالارىن كەڭەيتۋدى تاپسىرامىن. اتالعان كورسەتكىشتى كۇنكورىس دەڭگەيىنىڭ 70 پايىزىنا دەيىن جەتكىزۋىمىز كەرەك. ال اتاۋلى كومەك الىپ وتىرعان كوپبالالى وتباسىلاردىڭ ءاربىر بالاسىنا بەرىلەتىن جاردەماقىنى 21 مىڭ تەڭگەگە دەيىن ءوسىرۋدى تاپسىرامىن. اتالعان كومەكتى بارىنشا جەڭىلدەتۋ كەرەك. حالىق ارى-بەرى شاپقىلاپ جۇرمەسىن. سوسىن ونداي وتباسىلاردىڭ تابىسىن ەسەپتەگەندە باسقا الەۋمەتتىك جاردەماقىلاردى ساناۋدى الىپ تاستاۋ قاجەت. ايتپەسە، سونىڭ ءبارىن ساناعاندا كوپبالالى وتباسىلار جاعداي جاقسى ازاماتتار بولىپ شىعا كەلەدى»، - دەپ اتاپ كورسەتتى ن. نازاربايەۆ.


:ءبولىسۋ

اأتور:

novasa

سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات