قازاقستاندا 21-قاڭتاردا اۋا رايى قۇبىلمالى بولادى
سينوپتيكتەردىڭ بولجاۋىنشا، دۇيسەنبى ەلىمىزدە اتموسفەرالىق اعىنداردىڭ وتۋىنە بايلانىستى جاۋىن-شاشىن جاۋادى، تەك وڭتۇستىك-باتىستا كۇن رايى اشىق بولادى. ەلىمىزدىڭ كەي جەرلەرىندە تۇمان، كوكتايعاق، جاياۋ بۇرقاسىن، جەلدىڭ كۇشەيۋى ساقتالادى.
اقمولا، قوستاناي، سولتۇستىك قازاقستان، قاراعاندى وبلىستارىنىڭ كەي جەرلەرىندە جاياۋ بۇرقاسىن، تۇمان، كوكتايعاق بولىپ، جەل 15-20 م/س كۇشەيەدى. اقتوبە، شىعىس قازاقستان وبلىستارىنىڭ كەي جەرلەرىندە تۇندە تۇمان كۇتىلەدى، شىعىس قازاقستان وبلىسىنىڭ كەي جەرلەرىندە جەل 15-25 م/س كۇشەيىپ، كۇندىز بۇرقاسىن كۇتىلەدى.
باتىس قازاقستان وبلىسىنىڭ كەي جەرلەرىندە تۇمان، كوكتايعاق بولادى، كۇندىز جەل 15-20 م/س كۇشەيىپ، جاياۋ بۇرقاسىن كۇتىدەدى.
تۇركىستان، قىزىلوردا، اتىراۋ وبلىستارىنىڭ كەي جەرلەرىندە تۇمان، كوكتايعاق كۇتىلەدى.
جامبىل، ماڭعىستاۋ وبلىستارىنىڭ كەي جەرلەرىندە تۇمان، كوكتايعاق بولىپ، جەل 15-23 م/س كۇشەيەدى.
الماتى وبلىسىندا تۇندە، پاۆلودار وبلىسىنىڭ كەي جەرلەرىندە كۇندىز جەل 15-20 م/س كۇشەيىپ، تۇمان، كوكتايعاق كۇتىلەدى، الماتى وبلىسىنىڭ جالاڭاشكول اۋدانىندا جەلدىڭ ەكپىنى 30 م/س اسادى.