قازاقستاندا 21 -قاراشادا وتەتىن ماڭىزدى شارالارعا شولۋ
ساعات 09.30-دە «Hilton» قوناق ۇيىندە «سيفرلاندىرۋ داۋىرىندە مەملەكەتتىك قىزمەتتى كورسەتۋ سالاسىنىڭ دامۋ كەلەشەگى» تاقىرىبىندا كونفەرەنتسياسى ۇيىمداستىرىلادى.
ساعات 10.00-دە ماڭگىلىك ەل داڭعىلىنداعى س 4.6 پاۆيلونىندا «مەملەكەتارالىق يننوۆاتسيالىق ىنتىماقتاستىقتى نىعايتۋ ماقساتىندا جاڭا نارىقتار مەن تەحنولوگيالاردى دامىتۋ» تاقىرىبىندا دوڭگەلەك ۇستەل وتەدى.
ساعات 12.20-دە ورتالىق كوممۋنيكاتسيالار قىزمەتىندە مەملەكەت باسشىسىنىڭ جولداۋىن ىسكە اسىرۋ شەنبەرىندەگى پاۆلودار وبلىسىنىڭ الەۋمەتتىك- ەكونوميكالىق دامۋ قورىتىندىلارىنا ارنالعان باسپا ءسوز كونفەرەنتسياسى وتەدى. سپيكەر: پاۆلودار وبلىسىنىڭ اكىمى بولات باقاۋوۆ.
ساعات 15.00-دە اقوردادا مەملەكەت باسشىسى ديپلوماتيالىق كورپۋسپەن كەزدەسەدى.
ساعات 15.00-دە ق ر مادەنيەت جانە سپورت مينيسترلىگىنىڭ باسپا ءسوز ورتالىعىندا ق ر ۇلتتىق اكادەميالىق كىتاپحاناسى باسپا ءسوز كونفەرەنسياسىن وتكىزەدى.
ساعات 16.20-دا ورتالىق كوممۋنيكاتسيالار قىزمەتىندە «2019 -جىلعى ءبىرىڭعاي ۇلتتىق تەستىلەۋگە دايىندىقتىڭ بارىسى تۋرالى» باسپا ءسوز كونفەرەنسيا وتەدى. سپيكەر: ق ر ءبىلىم جانە عىلىم ۆيتسە-ءمينيسترى اسحات ايماعامبەتوۆ.
ساعات 17.00-دە اقوردادا ازاماتتىق ماسەلەلەر بويىنشا كوميسسيا وتىرىسى باستالادى.
ساعات 17.00-دە «حان شاتىر» ويىن ساۋىق ورتالىعىندا قازاقستان رەسپۋبليكاسى پرەزيدەنتى ن. ءا. نازاربايەۆتىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» 2018 -جىلعى جولداۋى اياسىندا جانە «2019 -جىل - جاستار جىلىن» قولداۋ ماقساتىندا س. سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ بەلسەندى جاستارىنىڭ ۇيىمداستىرۋىمەن «بولاشاققا جاڭا سەرپىنمەن!» اتتى اكسياسى وتەدى. اكسيا اياسىندا 200-دەن استام ۋنيۆەرسيتەت بەلسەندىلەرى تۇڭعىش پرەزيدەنت كۇنىنە وراي «فلەشموب» ۇسىنادى.
ساعات 17.30-دە «قازمەديا» ورتالىعىنىڭ (كينوكونسەرت زالى) «ادىلەت الاڭى» سەريالىنىڭ تۇساۋكەسەرى وتەدى.
ساعات 18.00 «Astana Music Hall» - دا «كەدەرگىسىز كەلەشەك» پارتيالىق جوباسىنىڭ شەڭبەرىندە جىل سايىنعى «جان-شۋاق» سىيلىعىمەن ماراپاتتاۋ ءراسىمى ءوتىپ، وعان «نۇر وتان» پارتياسى ءتوراعاسىنىڭ ءبىرىنشى ورىنباسارى ماۋلەن اشىمبايەۆ قاتىسادى.
الماتى
ساعات 09.00-دە Holiday Inn Almaty قوناق ۇيىندە Ⅺ رەسپۋبليكالىق «Media قۇرىلتاي» وتەدى.
ساعات 11.30-دا الماتى قالاسىنىڭ ايماقتىق كوممۋنيكاتسيالار قىزمەتىندە «الەۋمەتتىك ىنتىماقتاستىقتىڭ جاڭا فورماتىنداعى كاسىپوداقتار» تاقىرىبىندا باسپا ءسوز ءماسليحاتى ۇيىمداستىرىلادى.
ساعات 19.30-دا Kinopark 11 IMAX ويىن-ساۋدا ورتالىعىنىڭ ESENTAI MALL ورتالىعىندا «شاشۋ» تەلەسەريالىنىڭ الدىن الا كورسەتىلىمى وتەدى.
تۇركىستان
ساعات 12:00-دە تۇركىستان قالاسى «ەسىمحان» الاڭىندا «AGROFEST-2018» اۋىل شارۋاشىلىعى فەستيۆالى وتەدى. اتالعان شاراعا وبلىس اكىمى جانسەيىت تۇيمەبايەۆ قاتىسادى دەپ كۇتىلۋدە. فەستيۆال اياسىندا اۋىل شارۋاشىلىعى ونىمدەرىنىڭ جارمەڭكەسى، زاماناۋي تەحنيكالار مەن اگرارلىق سالاداعى جەتىستىكتەردى ايشىقتايتىن اۋىل شارۋاشىلىعى كورمەسى، ۇلتتىق سپورت تۇرلەرىنەن سايىستار وتەدى. سونداي-اق، اۋىل شارۋاشىلىعى سالاسىنداعى وزات قىزمەتكەرلەر ءتۇرلى نوميناتسيالار بويىنشا ارنايى سىيلىقتارمەن ماراپاتتالادى. مەرەكەلىك شارا وبلىستىق ونەر جۇلدىزدارىنىڭ گالا كونسەرتىنە ۇلاسادى.
كوكشەتاۋ
ساعات 13.00-دە «بۋراباي» سپورت سارايىندا ارمرەستلينگتەن وتكەن الەمدەگى ەڭ ءىرى تۋرنيردە كۇمىس جانە قولا مەدالگە يە بولعان دميتري تيۋكوۆپەن كەزدەسۋ وتەدى.
شىمكەنت
ساعات 16:00-دە شىمكەنت قالاسى كاسىپكەرلەر پالاتاسىنىڭ كاسىپكەرلەردىڭ قۇقىقتارىن قورعاۋ جانە سىبايلاس جەمقورلىققا قارسى ءىس-قيمىل جونىندەگى كەڭەستىڭ وتىرىسى وتەدى. كەڭەستە كاسىپكەرلەرگە مەملەكەتتىك قۇرىلىمدار - ساۋلەت جانە قالا قۇرىلىسى، ەنەرگەتيكا جانە كوممۋنالدىق شارۋاشىلىق باسقارمالارى تاراپىنان تۋىندايتىن اكىمشىلىك كەدەرگىلەر قاراستىرىلادى. اتاپ ايتقاندا، سىرتقى جارنامانى ورنالاستىرۋ ءۇشىن سالىق سالۋ سالاسىندا بيزنەستىڭ پروبلەمالىق ماسەلەلەرى، سونداي-اق جارنامالىق قۇرىلىمداردى ورناتۋعا رۇقسات بەرۋ كەزىندە جاساندى تۇردە تۋىندايتىن كەدەرگىلەر قاراستىرىلاتىن بولادى.