استانادا 21- تامىزدا نوسەر جاڭبىر جاۋىپ، بۇرشاق ءتۇسۋى ىقتيمال

استانا. قازاقپارات - استانا قالالىق توتەنشە جاعدايلار دەپارتامەنتىنىڭ «قازگيدرومەتكە» سىلتەمە جاساپ حابارلاۋىنشا، 21- تامىزدا قاتتى جاڭبىر جاۋادى، سولتۇستىكتەن جەل سوعادى، ەكپىنى 15-20 م/س.

وقتىن-وقتىن نايزاعاي جارقىلداپ، داۋىل تۇرىپ، بۇرشاق جاۋۋى مۇمكىن.

سونداي-اق دەپارتامەنت «تابيعي سيپاتتاعى توتەنشە جاعدايىندا ادامداردىڭ قازا بولۋىنا جول بەرمەۋ ماقساتىندا، ۆەدومستۆولىق باعىنىستاعى كاسىپورىندار مەن ۇيىمدارىنىڭ تۇراقتى جانە اۆارياسىز جۇمىسىن قامتاماسىز ەتۋ بويىنشا، قالالىق قىزمەتتەر، تىرشىلىكتى قامتاماسىز ەتۋ وبەكتىلەرىنىڭ، دەپارتامەنتتەر مەن باسقارمالاردىڭ باسشىلارى قاجەتتى شارالاردى قابىلداۋى تيىستىگىن» ەسكەرتەدى.