10:55, 20 - شىلدە 2018 | GMT +6
دەنيس تەنمەن قوشتاسۋ ءراسىمى الماتىدا 21- شىلدە كۇنى وتەدى
الماتى. قازاقپارات - تانىمال قازاقستاندىق مانەرلەپ سىرعاناۋشى دەنيس تەندى اقتىق ساپارعا شىعارىپ سالۋ ءراسىمى 21- شىلدە كۇنى بالۋان شولاق سپورت سارايىندا وتەدى، دەپ حابارلايدى قازاقپارات الماتى اكىمدىگىنىڭ باسپا ءسوز قىزمەتىنە سىلتەمە جاساپ.
قوشتاسۋ ءراسىمى ساعات 10:00 دە بالۋان شولاق سپورت سارايىندا باستالادى.
ايتا كەتەيىك، تانىمال قازاقستاندىق مانەرلەپ سىرعاناۋشى دەنيس تەن پىشاقتان العان جاراقاتىمەن اۋرۋحاناعا 19- شىلدە كۇنى ءتۇس كەزىندە جەتكىزىلدى.
الماتى قالالىق ءى ءى د- ءنىڭ مالىمەتتەرى بويىنشا، بەلگىسىز بىرەۋلەر سپورتشىنىڭ كولىگىنىڭ ايناسىن ۇرلاماق بولعان. وقيعانىڭ ۇستىنەن تۇسكەن سپورتشىنى ۇرىلار جامباسىنان جاراقاتتاعان. سپورتشى 3 ليتر قان جوعالتقان. دارىگەرلەر ونىڭ جاعدايىن وتە اۋىر دەپ باعالادى.
كەشىرەك ق ر دەنساۋلىق ساقتاۋ مينيسترلىگىنىڭ باسپا ءسوز حاتشىسى ەرنار اكىمقۇلوۆ سپورتشىنىڭ قازا بولعاندىعىن جاريالادى.