+7 (701) 759 90 19 Лента
26 °С : استانا
20 °С : الماتى
USD 328.31 EUR 386.62
RUB 5.27 CNY 51.49
جاڭالىقتار

ورتالىق مۋزەيدە 21 عىلىمي جوبا جۇزەگە اسىرىلىپ جاتىر

18 مامىر 08:16 614
:ءبولىسۋ
ورتالىق مۋزەيدە 21 عىلىمي جوبا جۇزەگە اسىرىلىپ جاتىر

الماتى. قازاقپارات - ق ر ورتالىق مۋزەيىندە 13 جىلدان بەرى 21 عىلىمي- قولدانبالى جوبا جۇزەگە اسىرىلىپ كەلەدى.

بۇل تۋرالى الماتى قالاسى وڭىرلىك كوممۋنيكاتسيالار قىزمەتىندە وتكەن بريفينگتە قازاقستان رەسپۋبليكاسى مەملەكەتتىك ورتالىق مۋزەيى ديرەكتورىنىڭ ورىنباسارى عاليا تەمىرتون ايتتى، دەپ حابارلايدى قازاقپارات ءتىلشىسى.

عاليا تەمىرتون 13 جىلدان بەرى ق ر م و م 21 عىلىمي-قولدانبالى جوبانى جۇزەگە اسىرعان ايتتى. ونىڭ 15 ءى «مادەني مۇرا» جوباسى اياسىندا ق ر ب ع م مەملەكەتتىك عىلىمي-تەحنيكالىق ساراپتاماسى ناتيجەسىندە جوعارى باعالانعان.

«2017-جىلدان باستاپ مۋزەيدىڭ عىلىمي ورتالىقتارى 2017-2019-جىلدارعا ارنالعان ءتورت عىلىمي-قولدانبالى جوبا بويىنشا جۇمىس اتقارۋدا. ولار - «قازاقتىڭ ءداستۇرلى ونەرى تاريحي- ەتنوگرافيالىق دەرەك كوزدەرى رەتىندە. مونوگرافيا- كاتالوگ»، «ءابىلحان قاستەيەۆتىڭ اكۆارەلدەرى تاريحي- ەتنوگرافيالىق دەرەك كوزدەرى رەتىندە» (قازاقستان مۋزەيلەرى قورلارىنىڭ ماتەريالدارى بويىنشا)»، «ورتاعاسىرلىق قازاقستان (VI- XV ع ع.) قازاقستان رەسپۋبليكاسى مەملەكەتتىك ورتالىق مۋزەيىنىڭ ارحەولوگيالىق كوللەكتسياسى. عىلىمي كاتالوگ»، «قازاقستانداعى تىڭ جانە تىڭايعان جەرلەردى يگەرۋ: الەۋمەتتىك- ەكونوميكالىق، دەموگرافيالىق جانە ۇلتتىق-ەتنيكالىق اسپەكتىلەرى»، - دەدى عاليا تەمىرتون.

سونىمەن قاتار، 2017-جىلى قازاقستان مۋزەيلەرى قورلارىنىڭ ماتەريالدارى بويىنشا ءابىلحان قاستەيەۆتىڭ باي مۇراسىن زەرتتەۋ قولعا الىندى.

مۋزەيدە «ءابىلحان قاستەيەۆ اكۆارەلدەرى تاريحي-ەتنوگرافيالىق دەرەك كوزدەرى رەتىندە. عىلىمي كاتالوگ» عىلىمي-قولدانبالى جوبا جۇزەگە اسىپ كەلەدى.

«ق ر مەملەكەتتىك ورتالىق مۋزەي قورىنداعى ءا. قاستەيەۆتىڭ جەكە كەشەنى جۇيەلەنىپ، تالدانىپ، سۋرەتشىنىڭ 130 اكۆارەل شىعارماسىنىڭ 35 ءى كامەرالدىق وڭدەۋدەن ءوتىپ، اتريبۋتسيالاندى»، - دەدى ع. تەمىرتون.

ايتا كەتۋ كەرەك، قر ورتالىق مۋزەيىنە 2017-جىلى 4000 نان استام ادام كەلگەن.


باستى سوزدەر: قوعام,
:ءبولىسۋ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
مۇراعات