جاپونيا جاعالاۋىنداعى كريۋز لاينەرىندە كوروناۆيرۋس جۇقتىرعاندار سانى 219 عا جەتتى

توكيو. قازاقپارات - جاپونيا ۇكىمەتى يوكوگامادا كارانتيندە تۇرعان كريۋز كەمەسىندەگى سوزىلمالى اۋرۋى بار قارت ادامداردىڭ ساراپتاما ناتيجەلەرى تەرىس بولسا - جاعاعا جوسپارلانعاننان ەرتە شىعۋىنا رۇقسات بەرەدى، دەپ حابارلايدى قازاقپارات Kyodo اگەنتتىگىنە سىلتەمە جاساپ.

سونىمەن قاتار، كەمەدەگى تاعى 44 ادامنان ىندەت انىقتالدى. جاپونيادا كوروناۆيرۋسپەن تىركەلگەن 247 ادامنىڭ 218 ءى كرۋيز كەمەسىنىڭ جولاۋشىلارى مەن ەكيپاج مۇشەلەرى.

جاپونيا دەنساۋلىق ساقتاۋ ءمينيسترى كاتو كاتسۋنوبۋدىڭ ايتۋىنشا، Diamond Princess لاينەرىندەگى 80 جاستاعى جانە ودان دا ۇلكەن 200 گە جۋىق جولاۋشى جۇما كۇنى دەنساۋلىعى مەن قالاۋىنا بايلانىستى كەمەدەن شىعا الادى. ال دەنساۋلىعىندا كىنارات بار ادامدار تولىق تەكسەرىستەن وتكەن.

كەمەدەن كەتۋگە رۇقسات ەتىلگەن تۇرعىندار ورتانى وقشاۋلاندىرۋ اياقتالعانعا دەيىن ۇكىمەت دايىنداعان جەرگە قونىستانادى.

ايتا كەتەيىك، وسىعان دەيىن قازاقستاننىڭ دەنساۋلىق ساقتاۋ مينيسترلىگىنىڭ رەسمي وكىلى دياس احمەتشارىپ Diamond Princess لاينەرىندە قازاقستاننىڭ 4 ازاماتى بار ەكەنىن ايتتى.