+7 (701) 759 90 19
28 °С : نۇر-سۇلتان
30 °С : الماتى
USD 408.61 EUR 454.09
RUB 5.86 CNY 57.28
جاڭالىقتار

شىمكەنتتە ستاتسيونارلىق كارانتيندە 218 ادام جاتىر

1 ءساۋىر 08:44
:ءبولىسۋ
شىمكەنتتە ستاتسيونارلىق كارانتيندە 218 ادام جاتىر

شىمكەنت. قازاقپارات - شىمكەنتتە جالپى سانى 484 ادام كارانتينگە الىنعان، ولاردىڭ 218 ءى مەديتسينالىق ستاتسيونارلارعا جاتقىزىلدى.

بۇل تۋرالى قالا اكىمىنىڭ ءبىرىنشى ورىنباسارى ەربول سادىر ءمالىم ەتتى، دەپ حابارلايدى قازاقپارات ءتىلشىسى.

قالا اكىمىنىڭ ءبىرىنشى ورىنباسارىنىڭ ايتۋىنشا، سالا ماماندارى ءۇي كارانتينىندە وتىرعان 266 ادامنىڭ رەجيمدى قاتاڭ ساقتاۋىن قاداعالاۋدا. بۇل تۇرعىنداردىڭ بارلىعى شەتەلدەن جانە نۇر-سۇلتان مەن الماتى قالالارىنان كەلگەن. بارلىعىندا دەنە قىزۋى جوعارى بولعان.

«قالا اكىمىنىڭ تاپسىرماسىنا سايكەس، بارلىق ەمحانالار وزىندە ەسەپتە تۇراتىن ازاماتتارمەن بايلانىسىپ وتىر. ولاردىڭ دەنساۋلىق جاعدايىن تەكسەرىپ شىعۋدا. سونداي-اق، قالاعا كەلگەن قوناقتاردىڭ دا بارلىعى ۋاقىتشا ەسەپكە تىركەلىپ، ولاردىڭ دەنساۋلىعى باقىلاۋعا الىندى. ەگەر تۇرعىندار مەن قوناقتاردا دەنە قىزۋىنىڭ كوتەرىلۋى نەمەسە كورونوۆيرۋس ينفەكتسياسىنىڭ باسقا دا سيمپتومدارى انىقتالسا، ولار دەرەۋ باقىلاۋعا الىنادى»، - دەدى ەربول سادىر.

بۇدان بولەك، قالادا مەديتسينالىق بەتپەردە تاعىپ ءجۇرۋ رەجيمى ەنگىزىلگەنى اتاپ ءوتىلدى.

بۇل شەكتەۋلەردى ەسكەرمەگەن، توتەنشە جاعداي رەجيمى مەن سانيتارلىق تالاپتاردى قاساقانا بۇزعان ازاماتتارعا قولدانىستاعى زاڭناماعا سايكەس ايىپپۇل سالىناتىنى ەسكەرتىلدى.

سپيكەردىڭ ايتۋىنشا، ق ر اكىمشىلىك قۇقىق بۇزۋشىلىق تۋرالى كودەكسىنىڭ 476-بابىنا سايكەس، توتەنشە جاعداي رەجيمىن بۇزعان ازاماتتارعا 10 ا ە ك كولەمىندە ايىپپۇل سالىنادى. ەگەر بۇل قۇقىقبۇزۋشىلىق تاعى قايتالاسا، سوت شەشىمىمەن 10 تاۋلىككە دەيىن قاماۋعا الىنۋى مۇمكىن.

«شىمكەنت قالاسىندا 2 ادام كوروناۆيرۋس ينفەكتسياسىن جۇقتىرعانى انىقتالدى. وسى ەكى ازامات تۇراتىن تاۋەلسىزدىككە 20 جىل ەلدىمەكەنى 14 كۇنگە كارانتينگە جابىلدى. بۇل ەلدىمەكەننىڭ كىرەبەرىسىنە بلوكپوستتار ورناتىلدى. ونداعى تۇرعىندار ازىق-تۇلىك، ءدارى-دارمەك، اۋىزسۋ جانە باسقا دا ءبىرىنشى كەزەكتە قاجەتتى تاۋارلارمەن قامتاماسىز ەتىلۋدە»، - دەدى ەربول سادىر.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات