جاپونيادا نوسەر جاۋىننىڭ سالدارىنان 216 ادام مەرت بولدى
تاعى ونداعان ادام ءىز-ءتۇزسىز جوعالعانداردىڭ قاتارىندا نەمەسە ولارمەن بايلانىس ۇزىلگەن. بۇل تۋرالى جەكسەنبى كۇنى ەلدىڭ باس پوليتسيا قىزمەتى ءمالىم ەتتى، دەپ حابارلايدى قازاقپارات ت ا س س اگەنتتىگىنە سىلتەمە جاساپ.
جەرگىلىكتى شۇعىل قىزمەت وكىلدەرى پوليتسيا مەن قورعانىس مينيسترلىگى اسكەرلەرىنىڭ كومەگىمەن ىزدەستىرۋ جانە قۇتقارۋ وپەراتسيالارىن جالعاستىرۋدا. تابيعات اپاتىنان زارداپ شەككەندەرگە كومەكتەسۋ ءۇشىن جاپونيانىڭ باتىس وڭىرىنە ەلدىڭ تۇكپىر-تۇكپىرىنەن مىڭداعان ەرىكتىلەر جينالدى.
سۋ تاسقىنى مەن كوشكىندەردىڭ سالدارىنان جاپونيانىڭ 47 پرەفەكتۋراسىنىڭ 31 ءى نەمەسە 160 ءۇي تۇگەلدەي جويىلعان. 700 گە جۋىق ۇيگە ايتارلىقتاي زاقىم كەلىپ، 25 مىڭى سۋ استىندا قالعان. 6 مىڭعا جۋىق ادام ارنايى ەۆاكۋاتسيالىق ورتالىقتاردا جاتىر، ولاردىڭ ۇيلەرىنە قايتۋلارىنا مۇمكىندىك جوق. ال قازىر جاپونيانى اپتاپ ىستىق جايلاعان. جەكسەنبى تاڭ اتقالى مۇندە تەرمومەتر باعانى 30 گرادۋستان جوعارىلاپ كەتكەن. بۇل ونسىز دا قيىن جاعدايدى ودان بەتەر ۋشىقتىرىپ وتىر.
مول كولەمدەگى نوسەر جاڭبىر جاپونياعا «پراپيرۋن» تايفۋنىنىڭ اسەرىنەن وتكەن اپتادا جاۋعان بولاتىن. ەلدىڭ كەيبىر اۋداندارىندا ىلعال كولەمى 1 م م- دەن استى. سونىڭ سالدارىنان وزەندەر ارناسىنان اسىپ، كوشكىن جۇرە باستادى.
جاپونيا تاريحىندا ەڭ كوپ ادام قۇربان بولعان تابيعات اپاتى 1953-جىلى تىركەلگەن. ول جىلى كيۋسيۋ ارالىندا بارلىعى 759 مىڭ ادام قۇربان بولىپ، 450 مىڭ ادام باسپاناسىنان ايىرىلعان ەدى.