21250 تەڭگە اۆتوماتتى تۇردە اۋدارىلادى - ەڭبەك مينيسترلىگى

None
None
نۇر- سۇلتان. قازاقپارات - قازاقستان اۋماعىندا كارانتيننىڭ 2 اپتاعا سوزىلادى.

وسىعان بايلانىستى مىندەتتى الەۋمەتتىك ساقتاندىرۋ قورىنان (م ءا س ق) كارانتيندىك شەكتەۋ شارالارىنىڭ ەنگىزىلۋىنە بايلانىستى تابىسىنان ايىرىلعاندارعا ءبىر جولعى تولەم الۋشىلارعا تولەنەتىن 42500 تەڭگەگە قوسىمشا 0,5 ەڭ تومەنگى جالاقى (بۇدان ءارى – ە ت ج) اۆتوماتتى تۇردە اۋدارىلادى، دەپ حابارلايدى قازاقپارات ق ر ەڭبەك جانە حالىقتى الەۋمەتتىك قورعاۋ مينيسترىگىنىڭ باسپا ءسوز قىزمەتىنە سىلتەمە جاساپ.

كارانتين ۇزارتىلعاننان كەيىن م ءا س ق- دان ءبىرجولعى تولەم تاعايىنداۋعا العاش رەت ءوتىنىش بەرگەن ازاماتتارعا تولەم 1,5 ە ت ج نەمەسە 63750 تەڭگە (42500 + 21250 تەڭگە) مولشەرىندە تاعايىندالادى. بۇدان بۇرىن حابارلانعانداي، مەملەكەت باسشىسىنىڭ تاپسىرماسى بويىنشا 2020 -جىلعى شىلدەدە كارانتيندىك شارالاردىڭ ەنگىزىلۋىنە بايلانىستى جۇمىس ىستەيتىن قازاقستاندىقتارعا تابىسىن تولىق جوعالتقان جاعدايدا ءبىر ەڭ تومەنگى جالاقى - 42500 تەڭگە مولشەرىندە ءبىرجولعى تولەم تاعايىنداۋ جۇزەگە اسىرىلادى.

جوعارىدا كورسەتىلگەن تولەمگە ازاماتتاردىڭ كەلەسى ساناتتارى ۇمىتكەر بولا الادى:

1) مەملەكەتتىك زاڭدى تۇلعالاردىڭ (شارۋاشىلىق جۇرگىزۋ قۇقىعىنداعى مەملەكەتتىك كاسىپورىنداردىڭ قىزمەتكەرلەرىنەن باسقا)، سونداي- اق اكتسيالارى مەن جارعىلىق كاپيتالىنداعى قاتىسۋ ۇلەسىنىڭ %100 مەملەكەتكە تيەسىلى زاڭدى تۇلعالاردىڭ، ەكىنشى دەڭگەيدەگى بانكتەردىڭ، بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىمداردىڭ جانە ولارمەن ۇلەستەس زاڭدى تۇلعالاردىڭ قىزمەتكەرلەرىن قوسپاعاندا، جالاقىسى ساقتالمايتىن دەمالىستاعى قىزمەتكەرلەر؛

2) جەكە كاسىپكەرلەر؛

3) جەكە پراكتيكامەن اينالىساتىن ادامدار؛

4) نىساناسى جۇمىستاردى ورىنداۋ (قىزمەتتەردى كورسەتۋ) بولىپ تابىلاتىن ازاماتتىق- قۇقىقتىق سيپاتتاعى شارتتار بويىنشا تابىس الاتىن جەكە تۇلعالار؛

5) ءبىرىڭعاي جيىنتىق تولەمدى تولەۋشىلەر بولىپ تابىلاتىن جەكە تۇلعالار.

ەستەرىڭىزگە سالا كەتەيىك، 30 - شىلدە ساعات 9.00دەگى جاعداي بويىنشا ازاماتتاردان م ءا س ق- دان ءبىرجولعى تولەم تاعايىنداۋعا 2,3 ميلليوننان استام ءوتىنىش قابىلدانعان. تولەم 2 ميلليون 80 مىڭ ادامعا تاعايىندالدى. اقشالاي قاراجات 2 ميلليون 58 مىڭ قازاقستاندىققا اۋدارىلدى.


سوڭعى جاڭالىقتار