اتىراۋ وبلىسىندا ەكى تاۋلىكتە 211 ادام كوروناۆيرۋس جۇقتىردى
وبلىستىق دەنساۋلىق ساقتاۋ باسقارماسى باسپا ءسوز قىزمەتىنىڭ مالىمەتىنشە، 25- جەلتوقساندا - 79 ادام، 26- جەلتوقساندا 132 ادام كوروناۆيرۋس ينفەكتسياسىنا شالدىققان.
ونىڭ ىشىندە اتىراۋ قالاسىنان - 47، جىلىوي اۋدانىنان - 13، قۇرمانعازىدان - 9، قىزىلقوعادان - 1، يندەردەن - 2، ماقاتتان - 4، يساتاي اۋدانىنان 1 ادام بار. ال تەڭىز كەنىشىندە 134 جۇمىسشى قاۋىپتى ىندەتتى جۇقتىرعانى انىقتالعان.
قازىر ءۇي جاعدايىندا - 249، وبلىستىق ينفەكتسيالىق ستاتسيوناردا - 116، ال اۋداندارداعى ينفەكتسيالىق ستاتسيونارلاردا 23 ناۋقاس ەمدەلىپ جاتىر.
تەڭىز كەنىشىندەگى ينفەكتسيالىق ستاتسيوناردا ەم-دوم قابىلداپ جاتقان پاتسيەنتتەر سانى - 491 ادام. وبلىستا اشىلعان 1225 ورىندىق ينفەكتسيالىق ستاتسيوناردىڭ 630 ىندا ناۋقاستار ەم الۋدا.
بۇدان بۇرىن اتىراۋ وبلىسىندا ناۋقاستاردىڭ %70 تەڭىز كەنىشىنىڭ جۇمىسشىلارى قۇرايتىنىن حابارلاعان ەدىك.