+7 (701) 759 90 19
-19 °С : نۇر-سۇلتان
-6 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

كوكشەتاۋدا «ۆاز 2110» كولىگىن پوليتسيا پاترۋلى قۋىپ ءجۇرىپ ۇستادى

18 قاراشا 08:45
:ءبولىسۋ
كوكشەتاۋدا «ۆاز 2110» كولىگىن پوليتسيا پاترۋلى قۋىپ ءجۇرىپ ۇستادى

كوكشەتاۋ. قازاقپارات - كوكشەتاۋدا «ۆاز 2110» كولىگىنىڭ جۇرگىزۋشىسى جول ەرەجەسىن بىرنەشە رەت بۇزدى.

پوليتسيا پاترۋلدەرى اتالمىش كولىكتى قۋىپ ءجۇرىپ ۇستاعانى الەۋمەتتىك جەلىدە جاريالاندى، دەپ حابارلايدى قازاقپارات ءتىلشىسى اقمولا وبلىسىنىڭ پد باسپا ءسوز قىزمەتىنە سىلتەمە جاساپ.

ۆەدومستۆونىڭ مالىمەتىشە، بۇگىن ءتارتىپ ساقشىلارى اباي جانە التىنسارين كوشەلەرىنىڭ قيىلىسىندا باعدارشامنىڭ قىزىل تۇسىنە قاراماي ءوتىپ كەتكەن كولىكتى بايقاپ، سوڭىنا تۇسەدى.

اۋەلبەكوۆ كوشەسىنىڭ بويىندا اتالمىش كولىككە قۋىپ جەتىپ، جۇرگىزۋشىسىنە توقتاۋدى تالاپ ەتەدى. الايدا، جول ەرەجەسىن بۇزعان جۇرگىزۋشى پوليتسيانىڭ تالابىنا قۇلاق اسپاي، ودان سايىن جىلدامدىعىن اسىرىپ، نازاربايەۆ داڭعىلىنا قاراي بەت الادى. وسى كەزدە ونىڭ سوڭىنان بىرنەشە پوليتسيا ءپاترۋلى سوڭىنا ءتۇسىپ، قۋادى. ال، قاشقان كولىك جۇرگىزۋشىسى تاعى دا باعدارشامنىڭ قىزىل تۇسىنە توقتاماي، جولدىڭ قارسى باعىتىنا شىعىپ، تۇتاس جولاقتان ءوتىپ كەتەدى.

قاشۋعا قانشا تىرىسقانىمەن ءتارتىپ ساقشىلارى ونى اۋەلبەكوۆ جانە عابدۋللين كوشەلەرىنىڭ قيىلىسىندا قورشاپ، قولعا تۇسىرەدى.

«ۆاز 2110» كولىگىنىڭ 1997 جۇرگىزۋشىسى باعدارشامنىڭ قىز ءتۇسى مەن تۇتاس جولاقتان ءوتىپ كەتتى. مۇنىسىمەن قويماي پوليتسيانىڭ توقتاۋ تۋرالى تالابىن ورىندامادى. انىقتالعانداي، كولىك جۇرگىزۋشىسى كوكشەتاۋ قالاسىنىڭ تۇرعىنى. ال كولىگى رەسەيدە تىركەلگەن. قازىرگى كەزدە، جۇرگىزۋشىگە قاتىستى تەكسەرىس جۇرگىزىلۋدە»، - دەپ ءتۇسىندىردى ۆەدومستۆونىڭ باسپا ءسوز قىزمەتىندەگىلەر.

اۆتور: اسلان وسپانوۆ


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات