لوندون، نيۋ-يورك جانە شاڭحاي 2100-جىلعا قاراي سۋ استىندا قالۋى مۇمكىن
الايدا، بريتاندىق جانە امەريكالىق عالىمداردىڭ بىرلەسكەن زەرتتەۋلەرى ناتيجەسىندە بۇل كورسەتكىش مۇلدەم وزگەشە بولىپ شىقتى، دەپ حابارلايدى BBC.
گرەنلانديا جانە انتاركتيكاداعى مۇز جابىندىلارى اۋماعىنىڭ ازايۋ قارقىنىنا قاراپ عالىمدار الەمدىك مۇحيتتارداعى سۋ دەڭگەيىنىڭ ناقتى ءوسۋ قارقىنى ەكى ەسە جوعارى بولۋى مۇمكىن دەگەن قورىتىندىعا كەلدى.
كليماتتىڭ وزگەرۋى سالدارىنان لوندون، نيۋ-يورك جانە شاڭحاي قالالارىن سۋ باسىپ قالۋى مۇمكىن. ميلليونداعان ادامنىڭ ءومىر ءسۇرۋ ءۇشىن باسقا ورىن ىزدەۋىنە تۋرا كەلەدى.
امەريكالىق ۇلتتىق عىلىم اكادەمياسىنىڭ جۋرنالىندا جاريالانعان عالىمداردىڭ بولجامىنا سۇيەنسەك، اتموسفەراعا СО2 شىعىندىلارىن تاستاۋ توقتاتىلماسا، 2100-جىلعا قاراي جاھاندىق ورتاشا تەمپەراتۋرا 5 گرادۋسقا جانە مۇحيت دەڭگەيى 62 دەن 238 سانتيمەترگە دەيىن كوتەرىلەدى.
وسىنىڭ سالدارىنان 1,79 ميلليون شارشى شاقىرىم جەر سۋ استىندا قالىپ، 187 ميلليون ادام مەكەندەۋ ورنىن وزگەرتۋگە ءماجبۇر بولادى.