بانك دەپوزيتتەرىندە قازاقستاندىقتاردىڭ 21,9 تريلليون تەڭگەسى ساقتاۋلى

نۇر- سۇلتان. قازاقپارات - 2020 -جىلى بانك جۇيەسىندەگى دەپوزيتتەر 15,3 پايىزعا ۇلعايدى. بۇل تۋرالى ۇكىمەت وتىرىسىندا ق ر ۇلتتىق بانكى ءتوراعاسى ەربولات دوسايەۆ ايتتى، دەپ حابارلايدى قازاقپارات ءتىلشىسى.

«بانك جۇيەسىندەگى دەپوزيتتەر 2020 -جىلعى قاراشانىڭ سوڭىندا نەگىزىنەن تەڭگەمەن سالىمداردىڭ ءوسۋى ەسەبىنەن جىل باسىنان بەرى 15,3 پايىزعا ۇلعايىپ، 21,9 تريلليون تەڭگە بولدى»، - دەدى ول.

ەربولات دوسايەۆتىڭ دەرەگىنشە، ۇلتتىق ۆاليۋتامەن سالىمدار 13,3 تريلليون تەڭگەگە دەيىن 23,1 پايىزعا ارتتى. وزگە ۆاليۋتامەن سالىمدار 2020 -جىلعى قاراشانىڭ سوڭىندا 8,6 تريلليون تەڭگەنى قۇراپ، 5,1 پايىز ءوستى.

«ناتيجەسىندە دەپوزيتتەردى دوللارلاندىرۋ دەڭگەيى 2020 -جىلعى قاراشادا 39,3 پايىزعا دەيىن تومەندەدى»، - دەدى ۇ ب ءتوراعاسى.