قازاقستاندا 21,7 ميلليون توننا استىق باستىرىلدى

استانا. قازاقپارات - قازاقستاندا 15 قازانداعى جاعداي بويىنشا، 21 ميلليون 735,2 مىڭ توننا استىق باستىرىلدى، دەپ حابارلايدى قازاقپارات.

ق ر اۋىل شارۋاشىلىعى مينيسترلىگىنىڭ اقپاراتىنا سايكەس، ەسەپتى كەزەڭدە اۋىل شارۋاشىلىعى وندىرىسشىلەرى 14 ميلليون 861,7 مىڭ گەكتار نەمەسە وڭىرلەردەگى جالپى استىق القاپتارىنىڭ %98,7 ىندا استىق ورىلعان. ورتاشا ونىمدىلىك گەكتارىنا 14,6 سەنتنەردى قۇرادى.

2017-جىلدىڭ وسى كەزەڭىندەگى كورسەتكىش 15 ميلليون 315,7 مىڭ گەكتار نەمەسە 99,7%- دى، ال ورتاشا ونىمدىلىك گەكتارىنا 14,3 سەنتنەردى قۇراعان بولاتىن.

قازاقستاندا 2018-جىلى استىق ورىلاتىن القاپتاردىڭ جالپى اۋماعى 15 ميلليون 63,1 مىڭ گەكتاردى (2017-جىلى - 15 ميلليون 365,2 مىڭ گەكتار) قۇرايدى. سونىمەن قاتار، بيىلعى ەگىستىك ناۋقانىندا جالپى 15 ميلليون 122,6 مىڭ گەكتار اۋماققا ءدان سەبىلگەن، ال بىلتىر بۇل كورسەتكىش - 15 ميلليون 411,6 مىڭ گەكتاردى قۇراعان بولاتىن.