+7 (701) 759 90 19
+20 °С : نۇر-سۇلتان
+24 °С : الماتى
USD 426.99 EUR 514.35
RUB 5.72 CNY 65.96
جاڭالىقتار

اقتوتى رايىمقۇلوۆا: تۇركىستاندا 21 حان مەن 59 باتىردىڭ سۇيەگى جاتىر

16 ءساۋىر 18:03
:ءبولىسۋ
اقتوتى رايىمقۇلوۆا: تۇركىستاندا 21 حان مەن 59 باتىردىڭ سۇيەگى جاتىر

نۇر- سۇلتان. قازاقپارات - تۇركىستاندا سۇيەگى جاتقان تۇلعالار قازاق حالقىنىڭ عانا ەمەس، كۇللى تۇركى الەمى تاريحىنىڭ قالىپتاسۋىندە شەشۋى ءرول اتقارعان.

مادەنيەت جانە سپورت ءمينيسترى اقتوتى رايىمقۇلوۆا «تۇركىستان - تۇركى الەمىنىڭ رۋحاني استاناسى اتتى» حالىقارالىق بەينەكونفەرەنسيادا وسىنداي پىكىر ءبىلدىردى، دەپ حابارلايدى قازاقپارات ءتىلشىسى.

«بۇگىن ءبىز تۇركى حالىقتارىنىڭ كيەلى ورنى تابىلاتىن تۇكىستاننىڭ ساياسي، رۋحاني جانە مادەني قايتا جاڭعىرۋىنىڭ تاريحي ساتىنە كۋا بولىپ وتىرمىز. قالا ۇلى جىبەك جولىنىڭ قيىلىسىندا تۇر. باتىس پەن شىعىستى، شىعىس پەن باتىستى بايلانىستىرىپ، قىتايدان ورتالىق ازيا، تاياۋ شىعىس ارقىلى ورتالىق ەۋروپا ەلدەرىنە كەرۋەندەر وتكەن بولاتىن. XV عاسىردان باستاپ تۇركىستان مۇسىلمان الەمىنىڭ قاجىلىق ەتەتىن ورنى عانا ەمەس، ماڭىزدى تاريحي شەشىمدەر قابىلداناتىن قازاق حاندارىنىڭ ءىرى مەملەكەتتىك رەزيدەنتسياسى بولعان»، - دەي كەلىپ مينيستر كونە شاھاردى ماڭگىلىك مەكەنىنە اينالدىرعان ۇلى تۇلعالارعا توقتالدى.

«قالانىڭ تاريحي بولىگى كيەلى مانگە يە ەكەنى بارشاعا ءمالىم. بۇل جەردە عىلىمي دەرەكتەرگە سايكەس 21 حاننىڭ، 8 سۇلتاننىڭ، 23 ءبيدىڭ، 59 باتىردىڭ سۇيەكتەرى جەرلەنگەن. جانىبەك، جاڭگىر، ەسىم، تاۋكە، ابىلاي، ءابىلحايىر حانداردىڭ، سونداي- اق، قازاق تاريحىنداعى اتاقتى قاز داۋىستى قازىبەك بي، شوڭ بي، تورايعىر بي، بوگەنبەي باتىر سياقتى باسقا دا تۇلعالاردىڭ بەيىتتەرى ورنالاسقان. بۇل تۇلعالار كوپتەگەن جاعدايلاردا تەك قازاق حالقىنىڭ عانا ەمەس، جالپى تۇركى الەم تاريحىنىڭ قالىپتاسۋىندا شەشۋشى ءرول اتقارعان»، - دەدى اقتوتى رايىمقۇلوۆا.

اتالمىش شارادا تۇركىستان وبلىسىنىڭ اكىمى ءومىرزاق شوكەيەۆ تۇركىستاننىڭ تۇركى الەمىنىڭ رۋحاني استاناسى اتانۋىن تاريحي ادىلدىك دەپ باعالايتىنىن ايتتى.

اۆتور: ەسىمجان ناقتىباي



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات