ءبىر جىلدا باعانىڭ ءوسۋى 21,3 پايىزعا جەتتى - ۇلتتىق بانك

استانا. قازاقپارات - ۇلتتىق بانك ءتوراعاسى عالىمجان ءپىرماتوۆ ۇكىمەت وتىرىسىندا ەلدە ينفلياتسيانىڭ ايلىق كورسەتكىشى قۇبىلىپ وتىرعانىن ايتتى، دەپ حابارلايدى قازاقپارات ءتىلشىسى.

«قازاقستاندا ينفلياتسيانىڭ ايلىق ديناميكاسى 2022 -جىلعى ناۋرىز ايىندا ەڭ جوعارى مانگە جەتكەن سوڭ، بىرتىندەپ تومەندەۋدە، ءبىراق ول اقپاندا 1,3 پايىزعا دەيىن ازداپ جەدەلدەدى. وسىلايشا ايلىق ينفلياتسيا قۇبىلمالى بولىپ تۇر جانە 5 جىل ىشىندەگى ورتاشا جىلدىق ماننەن اساتىن دەڭگەيگە جەتتى. جىلدىق ماندە اقپان ايىنداعى ينفلياتسيا قۇبىلىپ تۇر»، - دەدى ۇلتتىق بانك باسشىسى.

سونداي-اق، ول ۇلتتىق بانك اقپان ايىندا كەزەكتى بولجامدى راۋندتى اياقتاعانىن ەسكە سالدى.

«جاڭا دەرەكتەر مەن سىرتقى جانە ىشكى فاكتورلاردى ەسكەرە وتىرىپ، ينفلياتسيا بولجامى بيىل 9-12 پايىزعا دەيىن، 2024 -جىلى 6-8 پايىزعا دەيىن قايتا قارالدى، 2025 -جىلى وزگەرىسسىز - %4-6 دەڭگەيىندە ساقتالدى»، - دەدى ول.

اۆتور

ەسىمجان ناقتىباي