بالانى 21:00 دە ۇيقىعا جاتقىزعان دۇرىس
ءبىز بالا كەزىمىزدە «كۇن باتقاننان شىم باتساق» بۇگىنگى ءداۋىر بالالارىن بۇل ۋاقىتقا ۇيرەتۋ مۇمكىن ەمەس. بالا ۇيقىعا ۋاقىتىندا جاتۋ كەرەك. سەبەبى ءوسۋ گارمونى ۇيقىنىڭ ءتورتىنشى باسقىشىندا دامي باستايدى ەكەن. مىسالى بالا 21:00 دە ۇيىقتاۋعا جاتسا 00:30 دا گارمون جۇمىسىن باستايدى. ەگەر، بالا كەش جاتسا ءوسۋ گارمونىنا از ۋاقىت بولىنەدى دە بۇل ءسابيدىڭ دامۋىنا كەرى اسەرىن تيگىزەدى دەيدى ماماندار. زەرتتەۋلەرگە قاراعاندا بەلگىلى كۇن تارتىبىمەن ءومىر سۇرەتىن بالالار سەرگەك بولىپ، ساباقتى دا تىڭعىلىقتى ورىندايدى ەكەن. بۇدان باسقا ۋاقىتىندا ۇيقىعا جاتاتىن بالالار التسگەيمەر اۋرۋىنا از شالدىعادى.
دارىگەرلەردىڭ ايتۋىنشا بۇل اۋرۋدىڭ دامۋىن تەجەيتىن ەكى ءادىس بار: جاقسى ۇيقى مەن دەنە تاربيەسى. بالالارىڭىزدىڭ كۇن تارتىبىنە ءمان بەرىپ قاراڭىز. سونىمەن بىرگە ءوزىڭىز دە ەرتە جاتىپ، ەرتە تۇرۋعا ادەتتەنىڭىز. سەبەبى بالالار اتا- اناسىنىڭ ادەتتەرىنە دە نازار اۋدارىپ قارايدى. كەش جاتۋ ادەتتەگى جاعداي بولسا دا بولاشاقتا ول بالاڭىزدىڭ ءتان ساۋلىعى مەن جان ساۋلىعىنا دا اسەر ەتەدى.
بالانى ۋاقىتىلى ۇيىقتاۋعا قالاي ۇيرەتۋگە بولادى بالانى ماجبۇرلەپ قايتا تاربيەلەۋ قيىن. ەڭ دۇرىسى - بەلگىلى كۇن تارتىبىنە بارلىق وتباسىڭىزبەن مويىنسىنۋ. بالا ۇيىقتاۋعا جاتقاندا ءسىزدىڭ نە سىرتتاعى دىبىستارعا نازارى اۋىپ، ۇيقىسى بولىنە بەرەدى. تاعى ءبىر جولى سابيىڭىزگە جاتاردان بۇرىن ەرتەگى وقىپ بەرۋگە ادەتتەنىڭىز. ەسكەرەرلىك تاعى ءبىر جايت - بولمەدەگى شامدار. پسيحولوگتاردىڭ پىكىرىنشە بولمەدەگى شامنىڭ ءتۇسى سارى بولسا ول ۇيقى شاقىرادى ەكەن. گادجەتتەردى قولدانباۋعا تىرىسىڭىز. سەبەبى بالا ءبىزدىڭ كوشىرمەمىز. سپورتتى دا ۇمىتپاڭىز. كەشكى ۋاقىتتاعى بالانىڭ سپورتپەن اينالىسۋى ونىڭ تەز ۇيىقتاپ قالۋىنىڭ كەپىلى. كۇندە كەشكە وتباسىڭىزبەن سەرۋەندەۋگە شىعىپ تۇرىڭىز. بۇل دا جاقسى ناتيجە بەرەدى. ومىرىمىزدەگى قاراپايىم كورىنگەن بۇل ادەتتەرگە قۇلىقسىز قاراماڭىز. بالا ۋاقىتىندا ۇيىقتاپ، ۋاقىتىندا ويانىپ جۇرسە، بولاشاقتا ءوز جەمىسىن بەرەدى. سەبەبى ساۋ بالا - ءوز- وزىنە سەنىمدى، ءتان، جان جاعىنان دا ساۋ تۇلعا بولىپ قالىپتاسادى.
Massaget.kz