شىعىس قازاقستاندا قوس ازاماتتىقپەن جۇرگەن 20 ادام انىقتالدى
ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، جىل باسىنان بەرى ءوڭىر بويىنشا قوس ازاماتتىقپەن جۇرگەن 20 ادام انىقتالعان. ونىڭ ىشىندە شەتەل ازاماتتىعىن العاننان كەيىن قازاقستاندىق قۇجاتتاردى ۋاقتىلى تاپسىرماعانى ءۇشىن 13 ادام اكىمشىلىك جاۋاپكەرشىلىككە تارتىلدى. ولاردىڭ ۇشەۋى سوت شەشىمىمەن قازاقستان رەسپۋبليكاسىنان تىس جەرگە شىعارىلدى.
«ماسەلەن، مامىر ايىندا كوشى- قون قىزمەتىنىڭ ماماندارى وتكەن جىلدىڭ شىلدە ايىندا باسقا ەلدىڭ ازاماتتىعىن العان ريددەر قالاسىنىڭ تۇرعىنىن انىقتادى. الايدا ول بۇل تۋرالى ق ر زاڭناماسىندا بەلگىلەنگەن مەرزىمدە حابارلاماعان جانە قازاقستان رەسپۋبليكاسى ازاماتىنىڭ قۇجاتتارىن مەملەكەتتىك ورگاندارعا تاپسىرماعان. ريددەر قالاسىنىڭ اكىمشىلىك سوتىنىڭ شەشىمىمەن شەتەلدىك ايەل ەلدەن شىعارىلدى»، - دەلىنگەن اقپاراتتا.
وسى رەتتە، كوشى- قون قىزمەتى ق ر كونستيتۋتسياسىنا سايكەس ەلدە قوس ازاماتتىققا جول بەرىلمەيتىنىن ەسكەرتەدى. زاڭدى ساقتاماعان ازامات ق ر اكىمشىلىك قۇقىق بۇزۋشىلىق تۋرالى كودەكسىنىڭ 496-بابىنا سايكەس اكىمشىلىك جاۋاپكەرشىلىككە تارتىلادى. بۇل 100دەن 200 ا ە ك مولشەرىندە ايىپپۇل سالىنۋىنا جانە ونىڭ قازاقستان رەسپۋبليكاسىنان تىس جەرگە شىعارىلۋىنا اكەلىپ سوقتىرادى.