جاپونيادا 20 جىلدا العاش رەت قىلمىس سانى بىردەن وسكەن
جاپونيا پوليتسياسى مۇنى ەلدە 2022-جىلى كوروناۆيرۋسقا بايلانىستى شەكتەۋلەر السىرەگەننەن كەيىن كوشەدەگى قىلمىس سانىنىڭ وسۋىمەن ءتۇسىندىرىپ وتىر. جالپى، وتكەن جىلى جاپونيادا 601389 قىلمىس جاسالعان، بۇل 2021-جىلعىدان 5,9 پروتسەنتكە كوپ. ۇلتتىق پوليتسيا اگەنتتىگى وتكەن جىلدىڭ قازانىندا جۇرگىزگەن ونلاين ساۋالنامادا رەسپوندەنتتەردىڭ 67,1 پروتسەنتى جاپونيادا سوڭعى ون جىلدا تۇرعىنداردىڭ قاۋىپسىزدىك دەڭگەيى تومەندەدى دەپ ەسەپتەيدى.
بۇعان بۇرىنعى پرەمەر-مينيستر سيندزو ابەنىڭ شىلدەدەگى ءولىمى ىقپال ەتۋى مۇمكىن. ساۋالناماعا 15 جاس جانە ودان ۇلكەن جاستاعى 5000 رەسپوندەنت قاتىستى. Kyodo سوڭعى جىلدارى پويىزدار مەن ۆوكزالداردا بىرنەشە شابۋىل بولعانىن ەسكە سالادى. 2021-جىلى حەللوۋين تۇنىندە توكيودا پويىزدا ادامدارعا پىشاقپەن شابۋىلداعان بولاتىن. سونىڭ سالدارىنان 17 ادام جاراقات الدى. جاپونيا پوليتسياسى ەسەپتىك جىلى قاتىگەزدىككە كۇدىكتى كامەلەتكە تولماعانداردىڭ قاتىسۋىمەن 115730 قىلمىس تىركەگەن، ال ۇيدەگى زورلىق- زومبىلىق 84493 جاعدايعا جەتكەن. كوشەدەگى قىلمىس سانى دا ەداۋىر وسكەن.
وتكەن جىلمەن سالىستىرعاندا بيىل ۆەلوسيپەد ۇرلاۋ 201619 جاعدايعا جەتىپ، 14,4 پروتسەنتكە وسكەن. اسا اۋىر قىلمىس سانى، سونىڭ ىشىندە ادام ءولتىرۋ 8,1 پروتسەنتكە ارتىپ، 9536 جاعدايعا جەتتى.