ەلوردادا 20- قاراشا كۇنى قوعامدىق كولىكپەن ءجۇرۋ تەگىن بولادى

None
استانا. قازاقپارات - استانادا 20- قاراشا - سايلاۋ كۇنى قوعامدىق كولىكتەردە (قالالىق جانە قالاماڭىنداعى مارشرۋتتار) جول ءجۇرۋ تەگىن بولادى.

بۇل تۋرالى قالا اكىمدىگىنەن ءمالىم ەتتى، دەپ حابارلايدى قازاقپارات.

قوعامدىق كولىك ساعات 06:00 دەن 23:00 گە دەيىن جۇرەدى.

ال 21- قاراشا - دۇيسەنبىدەن باستاپ اۆتوبۋستار ادەتتەگىدەي، قولما-قول اقشاسىز تولەممەن شتاتتىق رەجيمدە جۇمىس ىستەيدى.

ەسكە سالايىق، 2020-جىلدىڭ ناۋرىز ايىنان باستاپ ەلوردادا كامەلەتكە تولماعان بالالارعا قوعامدىق كولىكپەن ءجۇرۋ - تەگىن. وسى ۋاقىتقا دەيىن وقۋشىلار 43 ميلليون ساپار جاسادى.

سونداي-اق زەينەتكەرلەر، مۇگەدەكتىگى بار ادامدار، كوپبالالى وتباسىلار جانە ازاماتتاردىڭ وزگە دە جەڭىلدەتىلگەن ساناتى تەگىن جول ءجۇرۋ قۇقىعىن پايدالانادى.

سوڭعى جاڭالىقتار