13:03, 23 - قىركۇيەك 2022 | GMT +6
رەسەيدەن جەڭىل اۆتوكولىك اعىنى 20 پايىزعا ءوستى
استانا. قازاقپارات – ق ر قارجى مينيسترلىگىنىڭ مەملەكەتتىك كىرىستەر كوميتەتى شەكارادا رەسەيدەن كەلگەن جەڭىل اۆتوكولىكتەردىڭ جينالۋىنا قاتىستى مالىمەتتەردى جاريالادى، دەپ حابارلايدى قازاقپارات.
كوميتەتتىڭ باسپا ءسوز قىزمەتىنىڭ دەرەكتەرى بويىنشا، بيىلعى 21-قىركۇيەكتەن باستاپ، قازاقستانعا رەسەيدەن كەلگەن جەڭىل اۆتوكولىك قۇرالدارىنىڭ اعىنى %20-كە ءوستى.
«وسىعان وراي، كورشىلەس رەسەيمەن شەكارالاس وتكىزۋ بەكەتتەرىندە جەڭىل اۆتوكولىك كەزەكتەرىنىڭ جينالۋى بايقالادى. اسىرەسە وسىنداي اۆتوكولىك كەزەكتەرىنىڭ جينالۋى اقتوبە، اتىراۋ، قوستاناي، باتىس قازاقستان وبلىستارىندا بايقالادى»، - دەلىنگەن حابارلامادا.