ەكى ءتۇرلى ۆاكسينا ءبىر جىلدا 20 ميلليون ادامدى اجالدان قۇتقاردى - زەرتتەۋ ناتيجەسى

نۇر-سۇلتان. قازاقپارات - ۆاكسيناتسيانىڭ ءبىرىنشى جىلىندا - 2020 -جىلدىڭ 8-جەلتوقسانىنان 2021 -جىلدىڭ 8-جەلتوقسانىنا دەيىن ەكى ۆاكسينا كوپ ادامداردىڭ ءومىرىن ساقتاپ قالدى.

AstraZeneca ۆاكسيناسى اۋرۋدان شامامەن 6,3 ميلليون ادامدى، Pfizer/BioNTech ۆاكسيناسى 5,9 ميلليون ادامدى قورعادى، دەپ حابارلايدى قازاقپارات.

COVID-19 تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ مالىمەتىنشە، Airfinity بۇل دەرەكتەردى كومپانيانىڭ ماماندارى ماۋسىم ايىندا جاريالانعان لوندون يمپەراتورلىق كوللەدجىنىڭ پاندەميا كەزىندەگى ارتىق ءولىم تۋرالى زەرتتەۋلەرىنىڭ ناتيجەلەرىن تالداعان باياندامادا كەلتىرەدى. يمپەراتورلىق كوللەدجدىڭ عالىمدارى 2020 -جىلدىڭ جەلتوقسانى مەن 2021 -جىلدىڭ جەلتوقسانى ارالىعىندا ۆاكسينالاردىڭ ارقاسىندا 20 ميلليون ادامنىڭ ءومىرى قۇتقارىلدى دەپ ەسەپتەدى. Airfinity ماماندارى قاي ۆاكسينالار ەڭ ءتيىمدى ەكەنىن انىقتاۋعا شەشىم قابىلدادى.

بەلگىلى ءبىر ەلدەردە ءولىم- ءجىتىمنىڭ سانى تۋرالى زەرتتەۋ دەرەكتەرىن ەسكەرە وتىرىپ، Airfinity ماماندارى وسى ەلدەردە قانداي وندىرۋشىلەردىڭ ۆاكسيناسىن قولدانعانىن انىقتادى. ولاردىڭ باعالاۋى بويىنشا، پاندەميا كەزىندە قۇتقارىلعان ادام ءومىرىنىڭ سانى بويىنشا ءۇشىنشى ورىندا Sinovac ۆاكسيناسى تۇر، ونىڭ ەسەبىندە 2 ميلليوننان استام ادام بار. ءتورتىنشى ورىندا Moderna - 1,7 ميلليون ادام. توپ-5-تە ميلليون ادامنىڭ ءومىرىن ساقتاپ قالعان Sinopharm ۆاكسيناسى تۇر. رەسەيلىك ۆاكسينا سپۋتنيك V، Airfinity باعالاۋى بويىنشا، 940 مىڭعا جۋىق ادامدى قورعادى.