ۇ ب ت باستالعاننان بەرى 20 مىڭنان استام تالاپكەر تەست تاپسىردى
ونىڭ ىشىندە تۇلەكتەردىڭ %71,2 قازاق تىلىندە، %28,7 ورىس تىلىندە، %0,09 اعىلشىن تىلىندە تەستىلەۋدەن ءوتتى.
بۇل تۋرالى قازاقپارات ءبىلىم مينيسترلىگىنە سىلتەمە جاساپ حابارلايدى.
ءبىرىنشى اپتادا ۇ ب ت- عا ەرەكشە ءبىلىم بەرۋ قاجەتتىلىگى بار 69 بالا قاتىستى.
ايتا كەتەيىك، بيىل ەرەكشە قاجەتتىلىكتەرى بار تالاپكەرلەرگە ارنالعان تەست تاپسىرمالارىن ورىنداۋعا نەگىزگى 240 مينۋتتان بولەك قوسىمشا 40 مينۋت بەرىلگەن. سونىمەن قاتار، ولار ءۇشىن سىزبا جانە دياگراممالارسىز سۇراقتار جاسالدى.
ۇ ب ت- نىڭ العاشقى اپتاسىندا شەكتى بالدى %69 عا جۋىق تالاپكەر جينادى، بۇل وتكەن جىلدىڭ كورسەتكىشتەرىنەن %5 عا جوعارى. ورتاشا بالعا كەلەتىن بولساق، ول 65 بالدى قۇرادى.
«بيىل تالاپكەرلەر نەگىزگى ۇ ب ت- نى ەكى رەت تاپسىرىپ، مەملەكەتتىك ءبىلىم بەرۋ گرانتىن تاعايىنداۋ كونكۋرسىنا ەڭ جوعارى ناتيجەسىن ۇسىنا الادى. بۇل تۇلەكتەر ءۇشىن ودان دا ىڭعايلى مورالدىق جاعدايدى قامتاماسىز ەتەدى. سونىمەن قاتار، ناۋرىز ايىنداعى ۇ ب ت- دان باستاپ ەنگىزىلگەن جەكە تاقىرىپتىق تالداۋ ۇ ب ت- نىڭ ەكىنشى مۇمكىندىگىنە جاقسى دايىندالۋعا كومەكتەسەدى. تالاپكەرلەردىڭ جەكە كابينەتىندە ناتيجەسى بار سەرتيفيكات قانا ەمەس، سونداي-اق ءار پاننەن بارلىق تاقىرىپ بويىنشا تالداۋ قولجەتىمدى. جەكە تاقىرىپتىق تالداۋ تەستىلەنۋشىگە ءار تاقىرىپتى مەڭگەرۋ دەڭگەيىن تۇسىنۋگە مۇمكىندىك بەرەدى»، - دەپ اتاپ ءوتتى ق ر ب ع م ۇلتتىق تەستىلەۋ ورتالىعىنىڭ ديرەكتورى رۋسلان ەمەلبايەۆ.
جالپى نەگىزگى ۇلتتىق ءبىرىڭعاي تەستىلەۋگە قاتىسۋعا 290 مىڭعا جۋىق ادام ءوتىنىش بەردى.
ەستەرىڭىزگە سالا كەتەيىك، مەملەكەتتىك ءبىلىم بەرۋ گرانتىن تاعايىنداۋ كونكۋرسىنا قاتىسۋ ءۇشىن ۇ ب ت 2022-جىلعى 16- مامىردا باستالىپ، 5- شىلدەگە دەيىن جالعاسادى.
بۇل رەتتە تالاپكەرلەر تەستىلەۋ ورنى مەن ۋاقىتىن وزدەرى تاڭدادى. بيىل تالاپكەرلەرگە ىڭعايلى بولۋ ءۇشىن العاش رەت ۇ ب ت- نىڭ كۇنىن، ۋاقىتىن، ورنى مەن بەيىندىك پاندەرىن ەسكە سالاتىن SMS جولداناتىن بولادى.
حابارلاما ۇ ب ت- عا قاتىسۋشىلاردىڭ وزدەرىنە، سونداي-اق كامەلەتتىك جاسقا تولماعان تەستىلەنۋشىلەردىڭ اتا-انالارىنا نەمەسە زاڭدى وكىلدەرىنە جىبەرىلەدى.
ايتا كەتەيىك، اكادەميالىق ادالدىقتى ساقتاۋ ماقساتىندا تالاپكەرلەردىڭ تەست نۇسقاسى تاڭبالاناتىن بولادى. ياعني ۇ ب ت- نىڭ ءاربىر قاتىسۋشىسىنىڭ جەكە تەست نۇسقاسى بولادى. ەرەجەلەردى بۇزعان جانە تەست تاپسىرمالارىن اۋديتوريادان شىعارۋعا تالپىنعان جاعدايدا ۇلتتىق تەستىلەۋ ورتالىعى ەرەجە بۇزۋشىلاردى انىقتاپ، ولاردىڭ ناتيجەلەرىن جويادى.
بۇگىنگى تاڭدا 22 تالاپكەر سمارتفون، شپارگالكا جانە باسقا دا تىيىم سالىنعان زاتتاردى الىپ ءوتۋ ارەكەتى سالدارىنان تەست تاپسىرۋ مۇمكىندىگىنەن ايىرىلدى. تەستىلەۋ كەزىندە ەرەجەلەردى بۇزعانى ءۇشىن اۋديتوريادان 21 ادام شىعارىلىپ، ولاردىڭ ناتيجەلەرى جويىلدى.
ۇ ب ت- عا كىرگىزۋ ءۇش دەڭگەيلى جۇيە بويىنشا جۇزەگە اسىرىلادى: Face ID جەكە باسىن سايكەستەندىرۋ ارقىلى، جەكە كۋالىك بويىنشا، سونداي-اق وتىرعىزۋ ورنىندا جەكە باسىن سايكەستەندىرۋ جۇرگىزىلەدى. بيىل تەستىلەۋ «1 كومپيۋتەر - 2 كامەرا - 1 تەستىلەنۋشى» قاعيداتى بويىنشا وتەدى.
ەگەر بۇعان دەيىن تەستىلەۋ پروتسەسىن ءار كومپيۋتەردىڭ جوعارعى جاعىنان باقىلاپ وتىراتىن ءبىر كامەرا عانا بولسا، ەندى تەستىلەنۋشىنىڭ جەكە باسىن سايكەستەندىرۋگە جانە بوگدە ادامداردىڭ كىرۋىنە جول بەرمەۋگە مۇمكىندىك بەرەتىن ەكىنشى (فرونتالدى) كامەرا ورناتىلعان.
تالاپكەرلەر تەستىلەۋ اياقتالعاننان كەيىن 30 مينۋت ىشىندە اپەللياتسياعا بەرە الادى.
سەرتيفيكات اپەللياتسيا تۋرالى شەشىم قابىلدانعاننان كەيىن تەستىلەنۋشىنىڭ جەكە كابينەتىندە قولجەتىمدى بولادى.