اتىلعان وقتان 20 ەسە جىلدام الىپ استەرويد جەرگە جاقىنداپ كەلەدى
23 مامىر 13:42

اتىلعان وقتان 20 ەسە جىلدام الىپ استەرويد جەرگە جاقىنداپ كەلەدى

نۇر- سۇلتان. قازاقپارات - استەرويدتىڭ اتاۋى - 7335 (1989 JA). قازىرگى ۋاقىتتا اسپان دەنەسى جەرگە جاقىنداپ كەلەدى، دەگەنمەن NASA ساراپشىلارى ادامزاتقا ءتونىپ تۇرعان قاۋىپ جوق دەپ وتىر.

بۇل تۋرالى Live Science-كە سىلتەمە جاساي وتىرىپ «حابار 24» حابارلادى. 27- مامىردا ول ءبىزدىڭ عالامشاردان 4 ميلليون شاقىرىم قاشىقتىقتا ۇشىپ وتەدى. بۇل جەر مەن اي اراسىنداعى اراقاشىقتىقتان شامامەن 10 ەسە كوپ. الايدا ديامەترى 1,8 ك م بولاتىن عارىش تاسىنىڭ كولەمىن جانە عارىش كەڭىستىگىنە شاققاندا جاقىن اراقاشىقتىقتى ەسكەرە وتىرىپ، عالىمدار قاۋىپتى تولىقتاي جوققا شىعارماۋ كەرەكتىگىن دە العا تارتادى. ەگەر ونىڭ وربيتاسى وزگەرسە، ءبىزدىڭ عالامشار ءۇشىن سالدارى قورقىنىشتى بولۋى مۇمكىن.

7335 (1989 JA) - بيىل جەرگە جاقىندايتىن ەڭ الىپ استەرويد. عالىمداردىڭ مالىمەتىنشە، ول ساعاتىنا 76000 ك م جىلدامدىقپەن ۇشىپ كەلەدى، بۇل دەگەنىمىز اتىلعان وقتان 20 ەسە جىلدام.

جاڭالىقتار