USD 429.57 EUR 447.35
RUB 6.94 CNY 63.23
جاڭالىقتار

پرەزيدەنت: قازاقستان كولىك- ترانزيتتىك مارشرۋتتاردى ءارتاراپتاندىرۋعا 20 ميلليارد دوللار باعىتتايدى

25 قاڭتار 17:27
:ءبولىسۋ
پرەزيدەنت: قازاقستان كولىك- ترانزيتتىك مارشرۋتتاردى ءارتاراپتاندىرۋعا 20 ميلليارد دوللار باعىتتايدى

نۇر- سۇلتان. قازاقپارات - قازاقستان تاراپى ورتالىق ازيا ەلدەرى مەن قىتاي اراسىنداعى كولىك- ترانزيتتىك مارشرۋتتاردى ءارتاراپتاندىرۋعا مۇددەلى.

ق ر پرەزيدەنتى قاسىم- جومارت توقايەۆ «ورتالىق ازيا - ق ح ر» سامميتىندە وسىنداي وي ايتتى، دەپ حابارلايدى قازاقپارات.

«كولىك- ترانزيتتىك مارشرۋتتاردى ءارتاراپتاندىرۋ ينتەگراتسيالانعان لوگيستيكالىق شەشىمدەردى ەنگىزۋ قاجەت. ونىڭ ىشىندە جاڭا قۇرلىقتىق دالىزدەردى ىسكە قوسۋ ماڭىزدى. قازاقستان ءوز تاراپىنان 2025 -جىلعا دەيىن بۇل ماقساتتارعا 20 ميلليارد دوللار باعىتتاۋدى جوسپارلاپ وتىر. بۇل قىتايدان باعىت الاتىن ترانزيتتىك اعىننىڭ ارناسىن كەڭەيتىپ، وڭىردەگى ەلدەردىڭ قاۋىرت ءوسىپ كەلە جاتقان قاجەتتىلىكتەرىن قاناعاتتاندىرۋعا مۇمكىندىك بەرەدى»، - دەدى مەملەكەت باسشىسى.

قازاقستان باسشىسى اتالعان ىستەن حالىقارالىق ينستيتۋتتار دا زور الەۋەت كورىپ وتىرعانىن ەسكە سالدى.

«جالپى، دۇنيەجۇزىلىك بانكتىڭ باعالاۋى بويىنشا، ورتالىق ازيانىڭ كولىك كوممۋنيكاتسياسىن دامىتۋ ارقىلى 5 مەملەكەتتىڭ جالپى ىشكى ءونىمىن 15 پايىز دەڭگەيىندە وسىرۋگە مۇمكىندىك بار. بۇل ءبىز ىسكە قوسۋعا ءتيىس وراسان رەزەرۆ دەگەن ءسوز. ءبىز اتالعان باعىتتاعى كەز كەلگەن اقىلعا قونىمدى ۇسىنىستى قولداۋعا دايىنبىز» - دەدى قاسىم- جومارت توقايەۆ.

ايتا كەتەيىك، مەملەكەت باسشىسى قاسىم- جومارت توقايەۆ «ورتالىق ازيا - ق ح ر» سامميتىنە قاتىسۋدا. سامميتكە ق ح ر ءتوراعاسى شي جينپيڭ، وزبەكستان پرەزيدەنتى شاۆكات ميرزييەۆ، قىرعىزستان پرەزيدەنتى سادىر جاپپاروۆ، تۇرىكمەنستان پرەزيدەنتى گۋربانگۋلى بەردىمۇحامەدوۆ، تاجىكستان پرەزيدەنتى ەمومالي راحمون بەينەكونفەرەنسيا رەجيمىندە قاتىسىپ وتىر.

اۆتور: ەسىمجان ناقتىباي


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات