USD 422.01 EUR 452.06
RUB 6.75 CNY 62.72
جاڭالىقتار

20-جەلتوقساندا ەل اۋماعىنا ءبىر مەزەتتە شەتەلدىك ازاماتتار توبىنىڭ كەلگەنى انىقتالدى - ەرلان قارين

19 قاڭتار 11:31
:ءبولىسۋ
20-جەلتوقساندا ەل اۋماعىنا ءبىر مەزەتتە شەتەلدىك ازاماتتار توبىنىڭ كەلگەنى انىقتالدى -  ەرلان قارين

نۇر- سۇلتان. قازاقپارات - 20- جەلتوقساندا ەلىمىزدىڭ اۋماعىنا ءبىر مەزەتتە شەتەلدىك ازاماتتار توبىنىڭ كەلگەنى انىقتالدى.

بۇل تۋرالى ق ر مەملەكەتتىك حاتشىسى ەرلان قارين ءمالىم ەتتى، دەپ حابارلايدى قازاقپارات ءتىلشىسى.

«قازىردىڭ وزىندە جەلتوقساننىڭ 20-كۇنى ەلىمىزدىڭ اۋماعىنا ءبىر ۋاقىتتا شەتەلدىك ازاماتتار توبىنىڭ كەلگەنى، ودان كەيىن 7-8-قاڭتار كۇندەرى ءتۇرلى باعىتتار ارقىلى ەل اۋماعىنان شىعىپ كەتۋگە تىرىسقانى انىقتالدى. سونىمەن قاتار ارناۋلى قىزمەتتەرىمىز سوڭعى وقيعالارعا ەلىمىزدىڭ ىشىندە ارەكەت ەتكەن ءبىرقاتار راديكالدى، ەكسترەميستىك ۇيىمداردىڭ مۇشەلەرىنىڭ دە قاتىسۋ فاكتىلەرىن ناقتىلادى. مۇنان بولەك، قازاقستاندىق راديكالدار شەتەلدىك تەرروريستىك ۇيىمداردى جاڭا شابۋىلدار ۇيىمداستىرۋ ءۇشىن وسى وقيعالارعا قاتىستىرۋعا تىرىسقان. كەيىننەن ارناۋلى قىزمەتتەرىمىز مۇنداي ارەكەتتەردىڭ جولىن دەر ۋاقىتىندا كەستى»، - دەدى مەملەكەتتىك حاتشى «حابار 24» تەلەارناسى بەرگەن سۇحباتىندا.

ونىڭ اتاپ وتۋىنشە، قازىرگى ۋاقىتتا دا احۋال وتە كۇردەلى.

«ارناۋلى قىزمەتتەر اتالعان تۇلعالاردى انىقتاۋ، ۇستاۋ، قارۋ- جاراقتى تاركىلەۋ جۇمىستارىن جالعاستىرىپ جاتىر. تەك وسى كۇندەرى عانا قۇقىق قورعاۋ ورگاندارىمىز 2 مىڭنان استام قارۋ تاركىلەدى. تەك تەروريزم بابىمەن عانا 44 قىلمىستىق ءىس قوزعالدى. جۇمىس جالعاسىپ جاتىر»، - دەدى ول.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات