جۇك پويىزى 20 قوي-ەشكىنى باسىپ كەتتى

اتىراۋ. قازاقپارات - اتىراۋ وبلىسىندا جۇك پويىزى 16 قوي مەن 4 ەشكىنى باسىپ كەتتى، دەپ حابارلايدى قازاقپارات.

كولىكتەگى پوليتسيا دەپارتامەنتىنىڭ باسپا ءسوز قىزمەتى تاراتقان اقپاراتقا قاراعاندا، وقىس وقيعا كەشە، 8-جەلتوقساندا بولعان.

«جۇك پويىزىنىڭ ماشينيسى «قيعاش- اتىراۋ» ۋچاسكەسىندەگى №15-رازەزدە تەمىر جول ۇستىندە جۇرگەن قوي- ەشكىلەردى بايقاپ، شۇعىل تەجەۋ ءادىسىن قولداندى. ءبىراق، وقىس وقيعانىڭ الدىن الۋ مۇمكىن بولمادى. پويىز 16 قوي مەن 4 ەشكىنى باسىپ كەتتى. جۇك پويىزى وسىنىڭ سالدارىنان 12 مينۋت ءماجبۇرلى تۇردە توقتاپ تۇردى. وقيعا ورنىنا اتىراۋ ستانساسىنداعى جەلىلىك پوليتسيا ءبولىمىنىڭ جەدەل- تەرگەۋ توبى كەلىپ، ءمان-جايدى انىقتادى»، - دەيدى دەپارتامەنت باستىعىنىڭ ءبىرىنشى ورىنباسارى قاليجان قوبلاندين.

ونىڭ ايتۋىنشا، پويىز استىنا تۇسكەن مالدىڭ يەسى يساتاي اۋدانىنداعى اققىستاۋ اۋىلىنىڭ تۇرعىنى بولىپ شىققان. مال يەسىنە ق ر اكىمشىلىك قۇقىقبۇزۋشىلىق تۋرالى كودەكسىنىڭ 559-بابىنىڭ 1-بولىگىمەن ايىپپۇل سالىنعان.

اۆتور: بەك مۇستافا