USD 434.34 EUR 491.93
RUB 5.56 CNY 68.67
جاڭالىقتار

وميكرون الەمنىڭ 20 مەملەكەتىنەن تابىلدى

2 جەلتوقسان 08:35
:ءبولىسۋ
وميكرون الەمنىڭ 20 مەملەكەتىنەن تابىلدى

نۇر-سۇلتان. قازاقپارات - كوروناۆيرۋستىڭ جاڭا وميكرون شتامى كەم دەگەندە 20 مەملەكەتتەن تابىلدى، ولاردىڭ سانى تاعى دا ءوسۋى ىقتيمال، دەپ حابارلايدى قازاقپارات euronews-كە سىلتەمە جاساپ.

كوروناۆيرۋستىڭ وميكرون شتامىن وڭتۇستىك افريكا رەسپۋبليكاسىنىڭ عالىمدارى تاپقان ۋاقىتتا ءبىر اپتادان استام ۋاقىت ىشىندە الەمگە تارالىپ جاتقانى بەلگىلى بولدى. سودان بەرى كوپتەگەن ەلدەر وڭتۇستىك افريكاعا ازاماتتارىن ساپارلاپ بارۋعا تىيىم سالدى. وسى ەلمەن اۋە قاتىناسىن كوپتەگەن ەل توقتاتتى. سوڭعىسى 2-15-جەلتوقسان ارالىعىندا ۇشاق قاتىناسىنا تىيىم سالعان يسپانيا بولدى. الايدا د د س ۇ «حالىقارالىق ساپارلارعا تولىعىمەن تىيىم سالۋ كوروناۆيرۋستىڭ تارالۋىن توقتاتا المايدى» دەپ سانايدى. كوپتەگەن ەلدەر مۇمكىندىگىنشە ۆاكسيناتسيا باعدارلاماسىن كوبىرەك قامتۋعا ەرەكشە نازار اۋدارىپ جاتىر. مىسالى، ۇلى بريتانيا پرەمەر-ءمينيسترى بوريس دجونسون قاڭتار ايىنىڭ سوڭىنا دەيىن بارلىق ەرەسەكتەردى رەۆاكسينالاۋ مەرزىمىن بەلگىلەدى. 11-جەلتوقسانعا دەيىن جالپىحالىقتىق لوكداۋندى ۇزارتقان اۋستريا سياقتى ەلدەر ءىرى كولەمدە ايىپپۇل سالۋ ارقىلى حالىقتى ۆاكتسينالاۋعا مىندەتتەۋگە كىرىستى. گرەكيادا مۇنداي شارالار تەك 60 جاستان اسقان ادامدارعا عانا قاتىستى بولماق. ءۇشىنشى ەكپەنى الماعاندار 16-قاڭتاردان باستاپ اي سايىن مەملەكەتكە 100 ەۋرو تولەيدى. الايدا «جاڭا شتامم قولدانىستاعى ۆاكسينالاردان باسىم تۇسەدى» دەگەن قاۋىپ باسىم.

جاقىندا بۇرىن Moderna بيوتەحنولوگيا كومپانياسىنىڭ باس ديرەكتورى ستەفان بانسەل ولاردىڭ وميكرونعا قارسى تيىمدىلىگىنە كۇمان كەلتىردى. ونىڭ ايتۋىنشا، جاڭا شتامعا قارسى ۆاكسينالار جاساۋ ءۇشىن بىرنەشە اي قاجەت.

اۆتور: اياۋلىم التىنبەك


:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات