اسقار مامين ش ى ۇ ەلدەرى ۇكىمەت باسشىلارى كەڭەسىنىڭ 20-وتىرىسىن وتكىزدى
ۇكىمەت باسشىسى ش ى ۇ- عا مۇشە مەملەكەتتەردىڭ كوپجاقتى ساۋدا-ەكونوميكالىق ىنتىماقتاستىعى باعدارلاماسىن ىسكە اسىرۋ بويىنشا بيىل قول جەتكىزىلگەن ەلەۋلى ىلگەرىلەۋدى اتاپ ءوتتى.
2021-جىلدىڭ 7 ايىندا ش ى ۇ اياسىندا ءوزارا تاۋار اينالىمىنىڭ كولەمى %40 عا جۋىق ۇلعايدى. قازاقستاننىڭ ۇيىم ەلدەرىمەن تاۋار اينالىمى بيىلعى قاڭتار-قىركۇيەك ايلارىندا 2020-جىلدىڭ سايكەس كەزەڭىمەن سالىستىرعاندا %19,1 عا ءوسىپ، $36,5 ميلليارد قۇرادى. بۇل كورسەتكىش سونداي-اق پاندەمياعا دەيىنگى 2019-جىل كەزەڭىندەگى كورسەتكىشتەن %22,1- عا ($29,9 ميلليارد) جوعارى.
ا. مامين ش ى ۇ- عا مۇشە مەملەكەتتەر اراسىندا اۋىل شارۋاشىلىعى ونىمدەرىنىڭ ساۋداسىن ىنتالاندىرۋ، ش ى ۇ- عا مۇشە مەملەكەتتەردىڭ ازىق-تۇلىك قاۋىپسىزدىگى جونىندەگى ىنتىماقتاستىق باعدارلاماسىن جانە ونى ىسكە اسىرۋ جوسپارىن جەدەل ءارى كەزەڭ-كەزەڭىمەن ورىنداۋدى قامتاماسىز ەتۋ قاجەت ەكەنىن اتاپ ءوتتى.
پاندەمياعا قاراماستان، 2020-جىلى ش ى ۇ اياسىندا ا و ك ونىمدەرىنىڭ تاۋار اينالىمى %12,4 عا ارتىپ، $15,4 ميلليارد قۇرادى.
ق ر پرەمەر-ءمينيسترى ش ى ۇ- عا مۇشە مەملەكەتتەردىڭ ازىق-تۇلىك قاۋىپسىزدىگى رەزەرۆىن جانە ازىق-تۇلىك سالاسىنداعى ينۆەستيتسيالىق قوردى قۇرۋ مۇمكىندىگىن قاراستىرۋدى، سونداي-اق «ش ى ۇ- نىڭ جاسىل بەلدەۋى» باعدارلاماسىن ىسكە اسىرۋ جۇمىسىن جانداندىرۋدى ۇسىندى.
ش ى ۇ- عا قاتىسۋشى ەلدەردىڭ ءوزارا ساۋدا الەۋەتىن تولىققاندى ىسكە اسىرۋ ماقساتىندا ۇكىمەت باسشىسى قازاقستان تاراپى باستاماشىلىق ەتكەن ەۋرازيالىق ساۋدا جانە تاۋار وتكىزۋ جۇيەسىنە اسا بەلسەندى ينتەگراتسيالانۋ مۇمكىندىگىن قاراستىرۋدى ۇسىندى.
پرەمەر-مينيستر ش ى ۇ- نىڭ ترانزيتتىك-كولىك الەۋەتىن ىسكە اسىرۋداعى ەلەۋلى ىلگەرىلەۋدى اتاپ ءوتتى. بيىلعى جىلدىڭ 10 ايىندا قازاقستان اۋماعى ارقىلى ورتالىق ازيا، پارسى شىعاناعى ەلدەرى، ەۋروپا، قيىر شىعىس باعىتتارى، سونداي-اق ترانسكاسپي باعىتى بويىنشا شامامەن 883,2 مىڭ ج ف ە تاسىمالداندى، بۇل وتكەن جىلدىڭ سايكەس كەزەڭىندەگىدەن %25 عا ارتىق.
قىتاي - ەۋروپا - قىتاي باعىتىنداعى ترانزيتتىك كونتەينەر تاسىمالدارىنىڭ كولەمى %36- عا ءوسىپ، 604,5 مىڭ ج ف ە قۇرادى.
«ءبىر بەلدەۋ، ءبىر جول» باستاماسىن، ايماقتاعى ەڭ ءىرى ترانزيتتىك حاب رەتىندە رەسپۋبليكانىڭ الەۋەتىن، سونداي-اق ش ى ۇ- نىڭ 2025-جىلعا دەيىنگى دامۋ ستراتەگياسى شەڭبەرىندە كولىك ينفراقۇرىلىمىن دامىتۋ بويىنشا مىندەتتەردى جۇزەگە اسىرۋ ماقساتىندا قازاقستان ۇكىمەتىنىڭ باعدارلامالارىن ودان ءارى ىسكە اسىرۋ ءبىزدىڭ ەلدەرىمىزدى ودان ءارى ينتەگراتسيالاۋ جانە ءبىز وندىرەتىن قۇننىڭ ءۇشىنشى ەلدەر نارىقتارىنا شىعۋ الەۋەتىن ارتتىرۋ ءۇشىن بەرىك نەگىز قۇرايدى»، - دەدى ا. مامين.
ۇكىمەت باسشىسى ق ح ر- مەن شەكاراداعى تەمىر جولدارداعى قازىرگى جاعداي ترانزيتتىك-كولىك اعىنىن ودان ءارى ارتتىرۋعا قاتەر توندىرەتىنىن اتاپ ءوتتى. ق ر پرەمەر-ءمينيسترى قىتايلىق ارىپتەستەردەن جۇك اعىندارىن قالپىنا كەلتىرۋ جانە ۇلعايتۋ بويىنشا جەدەل شارالار قابىلداۋدى قاراستىرۋدى سۇرادى، بۇل بۇكىل ايماق بويىنشا ساۋدا-ساتتىق كولەمىنە وڭ اسەرىن تيگىزەتىن بولادى.
وتىرىسقا ءۇندىستاننىڭ سىرتقى ىستەر ءمينيسترى سۋبرامانيام دجايشانكار، ق ح ر مەملەكەتتىك كەڭەسىنىڭ پرەمەرى لي كەتسيان، قىرعىزستان مينيسترلەر كابينەتىنىڭ ءتوراعاسى - پرەزيدەنتى اكىمشىلىگىنىڭ باسشىسى اقىلبەك جاپاروۆ، رەسەي ۇكىمەتىنىڭ ءتوراعاسى ميحايل ميشۋستين، پاكىستان سىرتقى ىستەر ءمينيسترى ماحمۋد شاح كۋرەشي، تاجىكستان پرەمەر- ءمينيسترى كوحير راسۋلزودا، وزبەكستان پرەمەر-ءمينيسترى ابدۋللا اريپوۆ، بەلارۋس پرەمەر-ءمينيسترى رومان گولوۆچەنكو، موڭعوليا پرەمەر-ءمينيسترى لۋۆساننامسراين ويۋۋن- ەردەنە، يراننىڭ ءبىرىنشى ۆيتسە-پرەزيدەنتى موحامماد موحبەر، تۇرىكمەنستان مينيسترلەر كابينەتى ءتوراعاسىنىڭ ورىنباسارى سەردار بەردىمۋحامەدوۆ جانە ت. ب. قاتىستى.
ش ى ۇ- عا مۇشە مەملەكەتتەر اراسىنداعى ساۋدا-ەكونوميكالىق جانە مادەني-گۋمانيتارلىق سالالارداعى ىنتىماقتاستىقتى تەرەڭدەتۋ شارالارى تالقىلاندى. ش ى ۇ ىسكەرلىك كەڭەسى مەن بانكارالىق بىرلەستىگىنىڭ 2020-2021-جىلدارداعى قىزمەتى، ۇيىمنىڭ 2022-جىلعا ارنالعان بيۋجەتى جانە ش ى ۇ- نىڭ تۇراقتى جۇمىس ىستەيتىن ورگاندارىنىڭ قارجىلىق جانە ۇيىمداستىرۋشىلىق قىزمەتىنە بايلانىستى باسقا دا ماسەلەلەر قارالدى.
بىرلەسكەن كومميۋنيكە مەن ش ى ۇ تەحنوپاركتەر پۋلىن قۇرۋ تۇجىرىمداماسى قابىلداندى.