بيىل 20 ميلليون تونناعا جۋىق كومىر ەكسپورتقا شىعارىلادى

None
None
نۇر- سۇلتان. قازاقپارات - ق ر يندۋستريا جانە ينفراقۇرىلىمدىق دامۋ مينيسترلىگى يندۋستريالىق دامۋ كوميتەتىنىڭ قارا مەتاللۋرگيا باسقارماسىنىڭ باسشىسى جانات يگىسىنوۆ قويمالاردا قانشا كومىر قالعانىن ايتتى، دەپ حابارلايدى قازاقپارات ءتىلشىسى.

«بيىلعى قاڭتار- تامىز ارالىعىندا 69,2 ميلليون توننا كومىر ءوندىرىلدى. بۇل جەردە كومىر كونسەنتراتىن قوسىپ وتىرعان جوقپىز. وتكەن جىلدىڭ ءتيىستى كەزەڭىمەن سالىستىرعاندا 100,1 پايىزدى قۇرايدى. بىلتىر وسى ارالىقتا 69 ميلليون توننا وندىرىلگەن بولاتىن. وپەراتيۆتى دەرەكتەر بويىنشا، ەنەرگيا ءوندىرۋشى كاسىپورىندارعا 39,1 ملن توننا كومىر جونەلتىلدى. بۇل - بىلتىرعى كەزەڭمەن سالىستىرعاندا 4,5 پايىز كوپ. ونەركاسىپ كاسىپورىندارىندا 4,2 ميلليون توننا، كوممۋنالدىق- تۇرمىستىق قاجەتتىلىكتەرگە جانە حالىققا 5 ميلليون توننا كومىر جونەلتىلدى. ەكسپورت 19,4 ميلليون توننانى قۇرادى»، - دەدى ول ورتالىق كوممۋنيكاتسيالار قىزمەتىندە وتكەن بريفينگىدە.

ونىڭ ايتۋنىشا، قويماداعى كومىردىڭ قازىرگى قورى - شامامەن 1,5 ميلليون توننا بولادى. «پاۆلودار، قاراعاندى جانە شىعىس قازاقستان وبلىستارىندا ءىرى كومىر ءوندىرۋشى كومپانيالاردا ءوندىرىستىڭ ءوسىمى بايقالادى. مىسالى، «بوگاتىر» كومىر كەنىشىندە 4,5 پايىز ءوسىم بار. «شۇباركول» كومىر كومپانياسىندا - 9,5 پايىز، «قاراجىرا» كومپانياسىندا - 7,4 پايىز ءوسىم بار»، - دەدى مينيسترلىك وكىلى.

اۆتور: ەسىمجان ناقتىباي

سوڭعى جاڭالىقتار