+7 (701) 759 90 19
27 °С : نۇر-سۇلتان
33 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

20-ماۋسىم. قازاقپارات كۇنتىزبەسى

20 ماۋسىم 09:06
:ءبولىسۋ
20-ماۋسىم. قازاقپارات كۇنتىزبەسى

نۇر- سۇلتان. قازاقپارات - قازاقپارات وقىرماندارىنا 2021 -جىلعى 20-ماۋسىمعا ارنالعان كۇنتىزبەسىن ۇسىنادى.

اتاۋلى كۇندەر

دۇنيەجۇزىلىك بوسقىندار كۇنى

ءدال وسى كۇنى 1969 -جىلى بەكىتىلگەن افريكالىق بوسقىندار كۇنى بىرنەشە ەلدە اتاپ وتىلەتىن. كەيىننەن ب ۇ ۇ- نىڭ 2000 -جىلعى 4-جەلتوقسانداعى شەشىمى بويىنشا دۇنيەجۇزىلىك بوسقىندار كۇنى 2001 -جىلدان باستاپ افريكا بوسقىندارىنىڭ كۇنىمەن قاتار اتاپ وتىلەتىن بولدى.

حالىقارالىق زووباقتاردا پىلدەردى قورعاۋ كۇنى

«جانۋارلاردى قورعاۋ» ۇيىمىنىڭ (IDA) باستاماسى بويىنشا 2009 -جىلدان باستاپ اتاپ ءوتىلىپ كەلەدى. قازاقستاندا مەديتسينا قىزمەتكەرلەرى كۇنى مەديتسينا سالاسىنىڭ قىزمەتكەرلەرى جىل سايىن ماۋسىمنىڭ ءۇشىنشى جەكسەنبىسىندە كاسىبي مەرەكەلەرىن اتاپ وتەدى. بۇل كۇندى مەرەكەلەۋ 1998 -جىلى قازاقستان رەسپۋبليكاسى پرەزيدەنتىنىڭ جارلىعىمەن بەكىتىلگەن. بۇل كۇنى سونداي- اق ارمەنيا، بەلارۋس، مولدوۆا، رەسەي، ۋكراينادا دا دارىگەرلەردى قۇتتىقتاۋ يگى داستۇرگە اينالعان.

ەستە قالار وقيعالار

1930 -جىلى «جوعارعى مارياننا» كومىر قاباتى بويىنشا ءبىرىنشى رەت قاراعاندى شاحتاسىنىڭ قۇرىلىسى باستالدى.

1991 -جىلى قازاق ك س ر جوعارعى كەڭەسىنىڭ «قازاق ك س ر ۇلتتىق مەملەكەتتىك بانكىنىڭ جارعىسى تۋرالى» قاۋلىسى قابىلداندى. قاۋلىعا سايكەس، ۇلتتىق مەملەكەتتىك بانك رەسپۋبليكانىڭ مەنشىگىنە ءوتىپ، ورتالىق بانك بولىپ قۇرىلدى.

1992 -جىلى قازاقستان رەسپۋبليكاسى تۇركى مادەنيەتى جانە ونەرى ماسەلەلەرى جونىندەگى بىرلەسكەن كوميتەت (تۇركسوي) مۇشەسى اتاندى.

1992 -جىلى الماتىدان ۇرىمجىگە العاشقى حالىقارالىق تەمىر جول قاتىناسى اشىلىپ، ءبىرىنشى جولاۋشىلار پويىزى اتتاندى.

2003 -جىلى ەلىمىزدەگى جەر رەفورماسىنىڭ ماڭىزدى اكىسى قازاقستان رەسپۋبليكاسىنىڭ جاڭا جەر كودەكسى قابىلداندى.

2012 -جىلى ۇلتتىق مەديتسينالىق حولدينگتىڭ ۇلتتىق عىلىمي كارديوحيرۋرگيالىق ورتالىعىندا العاش رەت قازاقستان مەن ورتالىق ازيادا سان ارتەرياسى ارقىلى قولقا قاقپاقشاسىن اۋىستىرۋ بويىنشا وتا جاسالدى. جاڭا ءادىس الدەقايدا قاۋىپسىز، ءتىلۋ مەن جۇرەكتىڭ توقتاۋىن قاجەت ەتپەيدى، سونىمەن قاتار وڭالۋ ۋاقىتىن ەداۋىر ازايتادى.

2013 -جىلى رەسەي فەدەراتسياسىنىڭ مەملەكەتتىك مۇراعاتىنان باتىس قازاقستان وبلىستىق «ورال ءوڭىرى» جانە «ورال» گازەتتەرىنىڭ العاشقى شىققان ساندارى تابىلدى.

2014 -جىلى «KazEOSat-2» قازاقستاندىق جەر سەرىگى وربيتادان العاش رەت تەلەمەتريكالىق اقپارات بەردى.

2016 -جىلى اتىراۋ وبلىسىندا 2015 -جىلى اسكەري جاتتىعۋ كەزىندە ارىپتەستەرىن قۇتقارىپ، ءوزى قازا تاپقان باقىتجان قالىبايعا ەسكەرتكىش تاقتا ورناتىلدى. تاقتا ساربازدىڭ تۋعان اۋىلى ماقات اۋدانىنداعى بايگەتوبە اۋىلىنداعى مەكتەپتە اشىلدى.

2017 -جىلى رەجيسسەر اقان ساتايەۆتىڭ «اناعا اپارار جول» فيلمى نيۋ- يوركتەگى كينوفەستيۆالدە ۇزدىك كوركەم فيلم اتاندى. فيلمنىڭ پروديۋسەرى ءاليا نازاربايەۆا «كينوداعى ەۋرازيالىق ايەلدەر» ناگراداسىن السا، التىناي نوگەربەك ۇزدىك اكتريسا دەپ تانىلدى.

2018 -جىلى نيۋ- يوركتەگى ۇلتتىق ونەر كلۋبىنىڭ گالەرەياسىندا امەريكانىڭ تالعامپاز جۇرتشىلىعىنا قاستەيەۆ اتىنداعى ونەر مۇراجايىنىڭ ⅩⅩ عاسىرعا تيەسىلى جاۋھار تۋىندىلارى ۇسىنىلدى. كورمەگە 1930-1970 -جىلدارداعى قازاقستاندىق ونەر تۋىندىلارىنىڭ ۇزدىك ۇلگىلەرى ۇسىنىلدى. كورمەگە قويىلعان ءاربىر شەديەۆر قازاقستان مادەني مۇراسىنىڭ زور بايلىعىن بەينەلەپ، قازاق حالقىنىڭ ءومىر سالتىنان حابار بەرەدى.

2019 -جىلى پولشا پرەزيدەنتى اندجەي دۋدا ۆارشاۆادا قازاقستاندىق تاسىباي ابدىكارىموۆتى «Virtus et Fraternitas» مەدالىمەن ماراپاتتادى. مەدال پولشالىقتارعا كۇردەلى كەزەڭدەردە كومەكتەسكەن ازاماتتارعا بەرىلەدى. ت. ابدىكارىموۆ ونىڭ العاشقى يەگەرى اتاندى. «Virtus etFraternitas» مەدالىمەن « ⅩⅩ عاسىردا توتاليتارلىق جۇيە قۇرباندارى» بولعان پولياكتارعا كومەك قولىن سوزعان ازاماتتار ماراپاتتالادى. ونى پولشا رەسپۋبليكاسىنىڭ پرەزيدەنتى العىس رەتىندە «ادامدىق قاسيەتتى قورعاۋدا جانقيارلىق قايسارلىعى مەن ادامدىعى» ءۇشىن تابىس ەتەدى.

2020 -جىلى تانىمال قازاقستاندىق ءانشى ديماش قۇدايبەرگەن تاۋراۋشانعا (رودودەندرون) تاجىريبە جۇرگىزەتىن «Babīte» ءتالىمباعىنان لاتۆيالىق سەرتيفيكات الدى. لاتۆيادا تاۋراۋشاننىڭ جاڭا سورتىنا ءانشىنىڭ ەسىمى بەرىلدى. ازىرگە بۇل ءتۇپ الەم بويىنشا جالعىز، سوندىقتان ول «Babīte» تاۋراۋشاندار ساياباعىنىڭ باستى اللەياسىنا وتىرعىزىلعان جانە سورتتىڭ كىمگە ارنالعانى تۋرالى ارنايى تاقتايشا قويىلعان.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049

مۇراعات