+7 (701) 759 90 19
-23 °С : نۇر-سۇلتان
-2 °С : الماتى
USD 422.87 EUR 512.1
RUB 5.63 CNY 64.49
جاڭالىقتار

ايدا بالايەۆا: بالالار ادەبيەتىنىڭ 20 الەمدىك بەستسەللەرى قازاقشاعا اۋدارىلادى

29 قازان 19:24
:ءبولىسۋ
ايدا بالايەۆا: بالالار ادەبيەتىنىڭ 20 الەمدىك بەستسەللەرى قازاقشاعا اۋدارىلادى

نۇر- سۇلتان. قازاقپارات - بالالار ادەبيەتىنىڭ 20 الەمدىك بەستسەللەرى قازاقشاعا اۋدارىلادى. بۇل تۋرالى اقوردادا وتكەن قوعامدىق سانانى جاڭعىرتۋ جونىندەگى ۇلتتىق كوميسسيا وتىرىسىندا ق ر اقپارات جانە قوعامدىق دامۋ ءمينيسترى ايدا بالايەۆا ايتتى، دەپ حابارلايدى قازاقپارات ءتىلشىسى.

«كۇنى كەشە ۇلتتىق سەنىم كەڭەسىنىڭ كەزەكتى وتىرىسىندا مەملەكەت باسشىسى قاسىم- جومارت كەمەل ۇلى: «... مەكتەپ جاسىنداعى بالالاردى كىتاپ وقۋ ادەتىنە ۇيرەتۋ» قاجەتتىگىن باسا ايتتى. سوندىقتان، ءبىزدىڭ مينيسترلىكتىڭ باستاماسىمەن ى. التىنسارين اتىنداعى ۇلتتىق ءبىلىم اكادەمياسىنىڭ قاتىسۋىمەن بالالار ادەبيەتىنىڭ 20 الەمدىك بەستسەللەرلەرىنىڭ ءتىزىمى جاسالىپ، ىشكى قارجىلىق مۇمكىندىكتەردى قاراستىرا وتىرىپ، اۋدارمانىڭ اۋديو ەلەكتروندىق نۇسقاسىن جاساۋ تۋرالى شەشىم قابىلداندى. الداعى ۋاقىتتا ولاردى باسىپ شىعارۋ ماسەلەسى بويىنشا ءبىلىم جانە عىلىم مينيسترلىگى ءوز ۇلەسىن قوسادى دەگەن سەنىمدەمىز»، - دەدى مينيستر.

ونىڭ اتاپ وتۋىنشە، بۇل جۇمىستاردىڭ بارلىعى - ەل ىشىندە، اسىرەسە، بالالار مەن جاستاردىڭ اراسىندا رۋحاني- ادامگەرشىلىك تاربيە جۇيەسىن جۇزەگە اسىرۋدىڭ ءبىرتۇتاس جول كارتاسىن قالىپتاستىرىپ، بىرنەشە مۇددەلى مەملەكەتتىك ورگانداردىڭ اتسالىسۋىمەن ىسكە اسىرۋدى كوزدەيدى. ەسكە سالا كەتەيىك، مەملەكەتتىك حاتشى قىرىمبەك كوشەربايەۆتىڭ توراعالىعىمەن وتكەن كوميسسيا وتىرىسىندا «رۋحاني جاڭعىرۋ» باعدارلاماسىن ودان ءارى تەرەڭدەتىپ ۇلتتىق جاڭعىرۋ كەزەڭىنە وتكىزۋدىڭ ارنايى جول كارتاسىن جاساۋ قاجەت دەگەن شەشىم قابىلداندى.

بۇل قۇجات اسا ماڭىزدى ۇلتتىق جوبا رەتىندە جۇرگىزىلەدى. ۇلتتىق جاڭعىرۋ جوباسىنىڭ ەڭ باستى ءمانى - ۇلتتىڭ باسەكەگە قابىلەتتىلىگىن ارتتىرۋ. بۇل - ۇلتتىق جاڭعىرۋدىڭ ستراتەگيالىق ماقساتى بولىپ قالادى. جول كارتاسىندا مەملەكەتتىك ءتىل مارتەبەسىن ارتتىرۋ، ءبىلىم جانە عىلىمدى دامىتۋ، جوعارى ۇلتتىق جانە جالپىادامزاتتىق قۇندىلىقتار نەگىزىندە رۋحاني- ادامگەرشىلىك جانە پاتريوتتىق تاربيە بەرۋ، ەڭبەك ادامىن قالىپتاستىرۋ، اۋىلدى تۇلەتۋ سياقتى ت. ب كەشەندى ءىس- شارالار قامتىلادى. مەملەكەتتىك حاتشى وتىرىستى قورىتىندىلاي كەلە، «رۋحاني جاڭعىرۋ» باعدارلاماسىنىڭ باسىم باعىتتارى بويىنشا جۇمىستى ودان ءارى جانداندىرۋ بويىنشا ناقتى تاپسىرمالار بەردى.

اۆتور: مارلان جيەمباي



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات