+7 (701) 759 90 19
-17 °С : نۇر-سۇلتان
-5 °С : الماتى
USD 423.87 EUR 505.25
RUB 5.59 CNY 64.43
جاڭالىقتار

الماتىدا ءبىر كۇندە 20 كاسىپكەر كارانتين تالابىن بۇزعان

21 قازان 21:32
:ءبولىسۋ
الماتىدا ءبىر كۇندە 20 كاسىپكەر كارانتين تالابىن بۇزعان

الماتى. قازاقپارات - ءبىر كۇن ىشىندە الماتىدا كارانتين تالاپتارىن 20 كاسىپكەر بۇزعان، دەپ حابارلايدى قازاقپارات ءتىلشىسى.

ەپيدەميالىق جاعدايدىڭ كۇردەلەنۋىنە بايلانىستى اكىمدىك سانيتارلىق نورمالارعا بەي- جاي قاراماۋعا شاقىرادى. 20-قازان كۇنى الماتى قالاسىنىڭ مونيتورينگىلىك توپتارى 56 تەكسەرۋ وتكىزدى. ولاردىڭ بارىسىندا 21 نىساندا كارانتين تالاپتارى بۇزىلعانى انىقتالدى. ءتيىستى جۇمىستار جۇرگىزىلدى. بەتپەردە رەجيمىن بۇزۋ بويىنشا جەكە تۇلعالارعا اكىمشىلىك قۇقىق بۇزۋشىلىق تۋرالى 2 حاتتاما تولتىرىلدى.

الماتى قالاسىنىڭ باس مەملەكەتتىك سانيتار دارىگەرىنىڭ قاۋلىسىمەن قىزمەتىنە تىيىم سالىنعان نىساندار، سونداي- اق جۇمىس رەجيمىنىڭ بۇزىلۋى انىقتالدى. اۋەزوۆ اۋدانىنىڭ مونيتورينگىلىك توپتارى بىرنەشە نىساندا ماسكا رەجيمى ساقتالماعانىن تىركەدى. سونىڭ ىشىندە ەۋرازيالىق بانك عيماراتى، اباي كوشەسىنىڭ بويىنداعى لاگمانحانا، «الماسات» مەديتسينالىق ورتالىعى بار. بوستاندىق اۋدانىندا «Jungle « رەستوبارى، «مارماريس» ءدامحاناسى، «مارماريس wok» ءدامحاناسىندا كارانتين شارالارى بۇزىلعان. مونيتورينگىلىك توپ ناۋرىزباي اۋدانىنداعى «كوكتەم» دۇكەنىنەن، «بۋرريتو» ءدامحاناسى، «ماندارين» دۇكەنى، سونداي- اق سۇلۋلىق سالونى مەن كەڭسە ءۇي- جايىندا كارانتيندىك ءىس- شارالاردىڭ بۇزىلعانىن انىقتادى.

اكىمدىك كاسىپكەرلەردى ەپيدەميالىق جاعداي كۇردەلەنە تۇسكەن كەزدە سانيتارلىق نورمالاردى قاتاڭ ساقتاۋعا جانە كەلۋشىلەر مەن قىزمەتكەرلەردىڭ دەنساۋلىعىنا قاۋىپ توندىرمەۋگە شاقىرادى. الماتى اكىمدىگى قالا تۇرعىندارى مەن قوناقتارىن بارلىق ساقتىق شارالارىن: ماسكا كيۋدى، الەۋمەتتىك قاشىقتىقتى ساقتاۋدى، دەزينفەكتسيالىق قۇرالداردى پايدالانۋدى جانە مۇمكىندىگىنشە ادامدار كوپ جينالاتىن ورىندارعا بارماۋدى ەسكەرتەدى.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات