قازاقپارات كۇنتىزبەسى: 20-قازان
اتاۋلى كۇندەر
دۇنيەجۇزىلىك ستاتيستيكا كۇنى
2010-جىلى ب ۇ ۇ ستاتيستيكالىق كوميسسياسىنىڭ 41-سەسسياسىندا دۇنيەجۇزىلىك ستاتيستيكا كۇنىن قۇرۋ تۋرالى شەشىم قابىلداندى.
2010-جىلعى 3- ماۋسىمدا ب ۇ ۇ باس اسسامبلەياسى 2010-جىلعى 20- قازاندى العاشقى دۇنيەجۇزىلىك ستاتيستيكا كۇنى دەپ رەسمي جاريالاعان قاراردى قابىلدادى.
حالىقارالىق اۆياديسپەتچەر كۇنى
امستەردامدا 1961-جىلعى 20- قازاندا اۆياتسيا ديسپەتچەرلەرى قاۋىمداستىقتارىنىڭ حالىقارالىق فەدەراتسياسى قۇرىلدى. بۇل وقيعا اۋە كولىگىن دامىتۋ تاريحىنداعى ەلەۋلى كەزەڭگە اينالىپ، ءسويتىپ جاڭا كاسىبي مەيرامنىڭ ومىرگە كەلۋىنە نەگىز بولدى.
سودان بەرى جىل سايىن 20- قازاندا حالىقارالىق اۆياديسپەتچەر كۇنى اتاپ وتىلەدى.
حالىقارالىق باس اسپازشىلار كۇنى
مەرەكە 2004-جىلدان اتاپ وتىلەدى.
ەستە قالار وقيعالار
1933-جىلى ءال-فارابي اتىنداعى قازاق مەملەكەتتىك ۇلتتىق ۋنيۆەرسيتەتىنىڭ نەگىزى قالاندى. ءبىلىم ورداسىنىڭ اشىلۋ سالتاناتى 1934-جىلى 15- قاڭتاردا ءوتتى. العاشقى كەزدە ۋنيۆەرسيتەت قۇرامىندا فيزيكا-ماتەماتيكا جانە بيولوگيا فاكۋلتەتتەرى عانا بولدى. بۇگىنگى تاڭدا رەسپۋبليكانىڭ بەدەلدى وقۋ ورىندارىنىڭ ءبىرى.
1995-جىلى قازاقستان رەسپۋبليكاسى پرەزيدەنتىنىڭ اكىمشىلىگى قۇرىلدى. قازاقستان رەسپۋبليكاسى پرەزيدەنتى نۇرسۇلتان نازاربايەۆتىڭ جارلىعىمەن اكىمشىلىك قۇرىلىمىنا ق ر قاۋىپسىزدىك كەڭەسىنىڭ ەكونوميكالىق قاۋىپسىزدىك ماسەلەلەرى جونىندەگى ءبولىم ەنگىزىلدى.
1995-جىلى ۇلى بريتانيا جانە سولتۇستىك يرلانديا بىرىككەن كورولدىگىندە قازاقستان رەسپۋبليكاسىنىڭ ەلشىلىگى اشىلدى.
1997-جىلى قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ اقمولا قالاسىن قازاقستان رەسپۋبليكاسىنىڭ استاناسى دەپ جاريالاۋ تۋرالى جارلىعى شىقتى. جارلىققا سايكەس، اقمولا قالاسى 1997-جىلدىڭ 10- جەلتوقسانىنان تاۋەلسىز قازاقستان رەسپۋبليكاسىنىڭ استاناسى مارتەبەسىنە يە بولادى.
2009-جىلى استانادا «قازاق ەلى» مونۋمەنتى سالتاناتى تۇردە اشىلدى. تۇعىر گرانيتتىڭ ءتورت قابىرعاسىنا كولەمى 3,7x 6,9 مەترلىك قولادان قۇيىلعان بەدەربەينەلەر (بارەلەف) جاسالعان.
العاشقىسى «حالىق جانە پرەزيدەنت» دەپ اتالادى. مونۋمەنتتىڭ وڭ جاعىنداعى كەلەسى بەدەربەينە - «قاھارماندىق» دەپ اتالادى. ال مونۋمەنتتىڭ باتىس جاق بەتىندە ورنالاستىرىلعان «جاسامپازدىق» بەدەربەينەسىندە حالقىمىزدىڭ كوشپەلى داۋىردەن عارىشقا ۇشقانعا دەيىنگى جولى كورسەتىلگەن.
مونۋمەنتتىڭ شىعىس جاعىنداعى سوڭعى بەدەربەينە «بولاشاق» دەپ اتالادى.
2011-جىلى ازەربايجان رەسپۋبليكاسىنىڭ پرەزيدەنتى يلحام اليەۆتىڭ قازاقستانعا رەسمي ساپارى اياسىندا ەكى ەل اراسىندا تەڭىزدەگى ساۋدا كەمە قاتىناسى تۋرالى ۇكىمەتارالىق كەلىسىمگە قول قويىلدى. اتالعان شارت - ەكى ەلدىڭ تەڭىز كولىگى سالاسىنداعى ىنتىماقتاستىعىنىڭ نەگىزگى قۇجاتى.
2014-جىلى نيۋ-يوركتە قازاقستان رەسپۋبليكاسى مەن ماۆريكيي رەسپۋبليكاسىنىڭ ب ۇ ۇ جانىنداعى تۇراقتى وكىلدەرى قايرات ءابدىراحمانوۆ پەن ميلان دجايا نيامرادجسينگح ميتاربحان ەكى مەملەكەت اراسىندا ديپلوماتيالىق قارىم-قاتىناستار تۋرالى بىرلەسكەن كومميۋنيكەگە قول قويدى. ماۆريكي رەسپۋبليكاسى - ءۇندى تەڭىزىنىڭ وڭتۇستىك-باتىس بولىگىندە ورنالاسقان ارالدىق مەملەكەت. استاناسى - پورت-لۋي قالاسى. اۋماعى - 2,04 مىڭ شارشى گەكتار.
2015-جىلى استانادا كۋۆەيت مەملەكەتىنىڭ قازاقستانداعى جاڭا ەلشىلىگىنىڭ عيماراتى اشىلدى. ول ەلوردانىڭ شارل دە گولل كوشەسى، 6 ءۇي كوشە مەكەنجايىندا ورنالاسقان. ەكى ەل اراسىنداعى ديپلوماتيالىق قارىم-قاتىناستار 1993-جىلدىڭ 11- قاڭتارىندا ورناتىلعان.
بۇعان ق ر پرەزيدەنتى ن. نازاربايەۆتىڭ 1997-جىلدىڭ 31- تامىزى مەن 1- قىركۇيەگى ارالىعىندا كۋۆەيت مەملەكەتىنە جاساعان ساپارى نەگىز بولعان.
2017-جىلى اقتوبە قالاسىندا ق ر تۇڭعىش ادىلەت ءمينيسترى، بەلگىلى زاڭگەر، عالىم، ساياسي قايراتكەر ناعاشباي شايكەنوۆكە ەسكەرتكىش قويىلدى. ن. شايكەنوۆ 1947-جىلعى 6- ناۋرىزدا ر ف ورىنبور وبلىسىندا تۋعان. 1992-جىلى قازاقستانعا جۇمىسقا شاقىرىلعان. ق ر پرەزيدەنتىنىڭ كەڭەسشىسى، ادىلەت ءمينيسترى، پرەمەر-مينيستر ورىنباسارى بولعان.