+7 (701) 759 90 19
1 °С : نۇر-سۇلتان
6 °С : الماتى
USD 430.51 EUR 505.72
RUB 5.51 CNY 64.14
جاڭالىقتار

اقمولا تۇرعىنى قازاقستان رەسپۋبليكاسىنىڭ ازاماتتىعىن 20 جىلدان كەيىن الدى

28 قىركۇيەك 09:42
:ءبولىسۋ
اقمولا تۇرعىنى قازاقستان رەسپۋبليكاسىنىڭ ازاماتتىعىن 20 جىلدان كەيىن الدى

كوكشەتاۋ. قازاقپارات - اقمولا وبلىسىنىڭ قىلمىستىق اتقارۋ جۇيەسى دەپارتامەنتىنىڭ پروباتسيا قىزمەتكەرلەرى ەسەپتە تۇرعان 1971-جىلى تۋعان گەننادي ەسىمدى تۇلعاعا قۇجات الۋعا كومەكتەستى، دەپ حابارلايدى قازاقپارات ءتىلشىسى ۆەدومستۆونىڭ باسپا ءسوز قىزمەتىنە سىلتەمە جاساپ.

ۆەدومستۆونىڭ مالىمەتى بويىنشا، گەننادي اۋداندىق سوتتىڭ ۇكىمىمەن ول ءۇش جىلعا باس بوستاندىعىنان ايىرىلعان. ەسەپكە قويۋ كەزىندە جازاسىن وتەۋشىنىڭ قۇجاتتارى جوق جانە بۇرىن حالىققا قىزمەت كورسەتۋ ورتالىعىنا وتىنىشپەن جۇگىنبەگەن بولىپ شىقتى.

جازاسىن وتەۋ بارىسىندا گەننادي الدىمەن ورتاشا، كەيىن كاسىبي ءبىلىم الىپ شىقتى. ول سوتتالماس بۇرىن قورعانىس كۇشتەرىندە اسكەري بورىشىن دا وتەپتى.

كەيىن ەلىنە ورالىپ، مال وسىرۋمەن اينالىسقان. 2000-جىلى ءۇيى ورتەنىپ، بارلىق قۇجاتتارى جانىپ كەتكەن. تەك جەكە قۇجاتىن عانا قالپىنا كەلتىرۋگە مۇمكىندىك بولدى. ارتىنشا ءوزى جالعىز قالىپ، ىشىمدىككە سالىنعان ەكەن.

«جاس بولعاندىقتان، قۇجاتتى رەتكە كەلتىرۋگە جاعداي بولمادى. جالدانىپ جۇمىس ىستەپ كۇنەلتتىم»، - دەيدى گەننادي، - قىلمىسقا دا سول ماستىقپەن باردىم. پروباتسيا قىزمەتكەرلەرىنە العىسىم شەكسىز. قۇجاتتارىمدى وزدەرى راسىمدەپ، قالپىنا كەلتىرىپ بەردى».

ۆەدومستۆودان اتاپ وتكەندەي، قازىرگى تاڭدا اقمولا وبلىسى بويىنشا قىلمىستىق اتقارۋ جۇيەسى دەپارتامەنتى اقكول اۋداندىق پروباتسيا ءبولىمىنىڭ قىزمەتكەرلەرى گەنناديدى جۇمىسقا ورنالاستىرۋ ماسەلەسىن شەشىپ جاتىر.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات