بيلل گەيتستىڭ قورى الەمنىڭ دامۋ جولى 20 جىلعا ارتتا قالعانىن مالىمدەدى
«بىرنەشە ايدان بەرى بۇكىل الەمگە تارالعان پاندەميا حالىقارالىق ۇيىمداردىڭ بىرنەشە جىلدار بويى ۇمتىلعان ناتيجەلەرىن كەرى قايتارىپ جىبەردى»، دەلىنگەن قۇجاتتا. وسىلايشا، وسى ۋاقىت ارالىعىندا وتە كەدەيلىك جاعدايدا ءومىر سۇرەتىندەر سانى جەتى پايىزعا ءوستى، ال باسقا اۋرۋلارعا قارسى ۆاكتسيناتسيا دەڭگەيى 1990 -جىلداردىڭ دەڭگەيىنە دەيىن تومەندەدى.
Microsoft كورپوراتسياسىنىڭ نەگىزىن قالاۋشى جانە ميللياردەر بيلل گەيتستىڭ ايتۋىنشا، تۋريزم يندۋسترياسىنىڭ جاندانۋى جانە دۇنيەجۇزىلىك بانكتىڭ زارداپ شەككەن ەلدەردى قالپىنا كەلتىرۋ ءۇشىن نەسيە بەرۋ ارقىلى بۇرىنعى كورسەتكىشتەرگە ەكى- ءۇش جىلدىڭ ىشىندە ورالۋعا بولادى.
«ءوزارا اۋىرلاتاتىن اپاتتار» - بۇل COVID-19 پاندەمياسىن سيپاتتاۋدىڭ ەڭ جاقسى ءتاسىلى.
بىرىنشىدەن، ۆيرۋستىڭ ءوزى پايدا بولدى، سودان كەيىن ۇكىمەتتەر ونىمەن كۇرەسۋ ءۇشىن رەسۋرستاردى قايتا بولە باستادى، سودان كەيىن ادامدار جۇقتىرۋدان قورقىپ دارىگەرلەرگە بارۋدى توقتاتتى: مۇنىڭ ءبارى دەنساۋلىق ساقتاۋ سالاسىنداعى اپاتتىڭ ەلەمەنتتەرى»، - دەپ باسىلىم باياندامادان ءۇزىندى كەلتىرەدى.
15 - قىركۇيەكتەگى جاعداي بويىنشا الەمدە كوروناۆيرۋستى جۇقتىرعان 29,3 ميلليوننان استام ادام بار، ونىڭ 930 مىڭنان استامى قايتىس بولدى، تاعى 19,9 ميلليونى ساۋىعىپ كەتتى. اۋرۋدى جۇقتىرعانداردىڭ دەنى ا ق ش، ءۇندىستان، برازيليا، رەسەي جانە پەرۋدە.