+7 (701) 759 90 19
8 °С : نۇر-سۇلتان
24 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

كوروناۆيرۋس: الەمنىڭ دامۋى 20 جىلعا كەرى كەتتى

16 قىركۇيەك 09:46
:ءبولىسۋ
كوروناۆيرۋس: الەمنىڭ دامۋى 20 جىلعا كەرى كەتتى

نۇر-سۇلتان. قازاقپارات - Covid-19 پاندەمياسى الەمنىڭ دامۋىن 20 جىلعا كەشەۋىلدەتتى، دەپ حابارلايدى قازاقپارات BBC اگەنتتىگىنە سىلتەمە جاساپ.

اگەنتتىك جاريالاعان اقپاراتتارعا قاراعاندا، الەم تاعى ءبىر جاڭا ۆيرۋس پاندەمياسىنا مۇلدەم دايىن ەمەس. بۇنى دۇنيەجۇزىلىك دەنساۋلىق ساقتاۋ ۇيىمى جانە دۇنيەجۇزىلىك بانك وكىلدەرى مالىمدەپ وتىر.

ءبىراق، وعان قوسا، جاقسى جاڭالىق تا بار: كاليفورنيادا Covid-19 ۆيرۋسىنا قارسى قولدانىلاتىن جاساندى اقۋىز مولەكۋلاسى سينتەزدەلدى.

«الەمدە Covid-19 كوروناۆيرۋسىن جۇقتىرعان ادامداردىڭ سانى 30 ميلليونعا جاقىندادى. پاندەميا باستالعاننان بەرى، ودان قايتىس بولعانداردىڭ سانى - 929 مىڭ ادامدى قۇرادى. 30 ميلليونعا جۋىق ادام ساۋىعىپ شىقتى»، دەپ حابارلادى دجونس حوپكينس ۋنيۆەرسيتەتى.

Covid-19 پاندەمياسى الەمنىڭ دامۋىن كەرى بۇرىپ جىبەردى. ساراپشىلار قازىر وسى ماسەلەنى تالقىعا سالىپ جاتىر. ياعني ولار وركەنيەت قانشا جىلعا كەرى كەتتى دەگەن ماسەلەگە باس قاتىرۋدا.

بيلل جانە مەليندا گەيتس قورىنىڭ دۇيسەنبى كۇنى شىعارعان جىل سايىنعى بايانداماسىندا 20 جىل تۋرالى ماسەلە كوتەرىلىپ وتىر. قۇجاتتا پاندەميانىڭ بىرنەشە ايى حالىقارالىق ۇيىمداردىڭ جىلدار بويى اتقارىپ، قول جەتكىزگەن جەتىستىكتەرىن قۇردىمعا جىبەرگەنى ايتىلادى.

قايىرشىلىق جاعدايدا ءومىر ءسۇرىپ جاتقان ادامداردىڭ سانى وسى ۋاقىتتا جەتى پايىزعا وسكەن.

بۇدان بولەك، باسقا اۋرۋلارعا قارسى ۆاكتسينا ەگۋ جاعدايى 1990-جىلدارداعى دەڭگەيگە تۇسكەن. «جاعدايدى بىرلەسىپ ۋشىقتىراتىن اپاتتار» - covid-19 پاندەمياسىن مۇمكىندىگىنشە ءدال سيپاتتايتىن ءسوز. اۋەلى ۆيرۋس پايدا بولدى، ودان كەيىن ۇكىمەت ونىمەن كۇرەس جۇرگىزۋ ءۇشىن رەسۋرستاردى قايتا ۇلەستىرە باستادى، ودان كەيىن ادامدار ىندەت جۇقتىرىپ الۋ قورقىنىشىمەن دارىگەرلەرگە بارۋدان قالدى. وسىنىڭ بارلىعى دەنساۋلىق ساقتاۋ سەكتورىنداعى تولىققاندى كاتاستروفا ەلەمەنتتەرى»، - دەلىنگەن باياندامادا.


#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات