قازاقستاندا مەكتەپ فورماسىن 20 عا جۋىق كاسىپورىن تىگەدى
جاڭا وقۋ جىلىنا وقۋشىلار مەن ولاردىڭ اتا- انالارى عانا ەمەس، جەڭىل ونەركاسىپ كاسىپورىندارى دا بەلسەندى دايىندالۋدا. دۇرىس تاڭدالعان مەكتەپ فورماسى بالانىڭ دەنساۋلىعى مەن جاقسى كوڭىل- كۇيىنە اسەر ەتەدى. مينيسترلىكتەن ءمالىم ەتكەندەي، ەڭ الدىمەن، مەكتەپ فورماسى گيگيەنالىق تالاپتارعا ساي بولۋى كەرەك. ياعني، بالانىڭ دەنساۋلىعىنا زيان كەلتىرمەۋى ءتيىس. ءوز كەزەگىندە اتا- انالار بۇل كيىمدە بالا 5-6 نەمەسە ودان دا كوپ ساعات وتكىزەتىنىن ەستە ۇستاعان ءجون. سول سەبەپتى ەڭ الدىمەن، فورما جاسالعان ماتەريالدىڭ ساپاسىنا نازار اۋدارۋ كەرەك. بۇگىندە قازاقستاندا 20 عا جۋىق كاسىپورىن مەكتەپ فورماسىن تىگۋمەن بەلسەندى اينالىسادى. ۇلدار مەن قىزدارعا ارنالعان مەكتەپ كيىمدەرىن الماتى قالاسىنىڭ «Angelcher» ج ش س، «سىمبات» ءسان اكادەمياسى« ج ش س، «سەميراميدا «تىگىن فيرماسى» ج ش س، «قازلەگپروم- الماتى» ج ش س، «ALTEX» ج ش س، «كازسپو- N» ج ش س جانە «kazتەح» ج ش س كاسىپورىندارى تىگەدى. سونداي- اق، وسى باعىتتا سولتۇستىك قازاقستان وبلىسىندا «Lider PROF FASHION» ج ش س جانە Sens Fashion, جامبىل وبلىسىندا «الەنسيا» ج ش س، پاۆلودار وبلىسىندا «كازپروفبەزوپاسنوست» ج ش س جانە نۇر- سۇلتان قالاسىندا «دانمارد» ج ش س جۇمىس جاسايدى.
سونىمەن قاتار، تۇركىستان وبلىسىندا «GOLDENNOMAD» ج ش س سايرام اۋدانىنىڭ مەكتەپتەرىمەن ىنتىماقتاستىق تۋرالى مەموراندۋمعا قول قويدى. سارىاعاش جانە تولەبي اۋداندارىنىڭ وقۋ ورىندارىمەن كەلىسىمگە قول جەتكىزىلدى. مەكتەپ فورماسىنىڭ ۇلگىسى، ءتۇسى كلاسسيكالىق ستيلدە، ءبىر ءتۇستى گاممادا بولادى جانە ۇشتەن ارتىق ءتۇس قوسىلماۋى ءتيىس. سونداي- اق تۇستەر اسا اشىق بولماۋى قاجەت. بۇل رەتتە مەكتەپ فورماسى ءبىلىم الۋشىلاردىڭ جاس ەرەكشەلىكتەرىن ەسكەرە وتىرىپ ەنگىزىلەدى. ول - كۇندەلىكتى، سالتاناتتى جانە سپورتتىق بولىپ بولىنەدى.
ۇلدارعا ارنالعان مەكتەپ فورماسى: پيدجاك، كەۋدەشە، شالبار، سالتاناتتى كويلەك، كۇندەلىكتى كويلەك (قىسقى كەزەڭ: تريكوتاج كەۋدەشە، ۆودولازكا) . ۇلدارعا ارنالعان شالبار ەركىن پىشىلگەن جانە ۇزىندىعى توبىقتى جاباتىنداي بولۋى ءتيىس.
قىزدارعا ارنالعان مەكتەپ فورماسى: پيدجاك، كەۋدەشە، بەلدەمشە، شالبار، كلاسسيكالىق جەيدە (قىسقى كەزەڭ: تريكوتاج كەۋدەشە، سارافان، ۆودولازكا) . قىزدارعا ارنالعان شالبار ەركىن پىشىلگەن جانە ۇزىندىعى ۇزىندىعى توبىقتى جاباتىنداي بولۋى ءتيىس. مەكتەپ فورماسىنا قويىلاتىن تالاپتار كليماتتىق جاعدايلاردى، ساباقتاردى وتكىزۋ ورنىن جانە تەمپەراتۋرالىق رەجيمدى ەسكەرە وتىرىپ ەنگىزىلەدى. كيىمدەر توزىمدىلىگى جوعارى، باكتەرياعا قارسى، ميكروبقا قارسى جانە انتيستاتيكالىق قاسيەتتەرى بار جارتىلاي ءجۇن جانە ماقتا ماتالارىنان تىگىلەدى.
