ءۇندىستاندا تابيعات اپاتىنان 20 ادام قازا تاپتى
بۇل تۋرالى قازاقپارات India Today اگەنتتىگىنە سىلتەمە جاساپ حابارلايدى.
قازا تاپقانداردىڭ جەتەۋى - ءبىر وتباسى مۇشەلەرى. ولار سەيسەنبى كۇنى تاڭەرتەڭ كاشاردا تولاسسىز جاۋعان جاڭبىردان كەيىنگى كوشكىن كەزىندە مەرت بولدى. ادامدار قيراعان ۇيلەردىڭ استىندا قالىپ قويعان. جەرگىلىكتى تۇرعىندار پوليتسيا قىزمەتكەرلەرىنە ولاردىڭ دەنەسىن ءۇيىندى مەن لايدىڭ استىنان الىپ شىعۋعا كومەكتەستى.
باسقا التى ادام، سونىڭ ىشىندە ءبىر وتباسىنىڭ بەس مۇشەسى كاريمگاندج اۋدانىنداعى كوشكىن كەزىندە مەرت بولدى. ون ادام جاراقات الىپ، اۋرۋحاناعا جاتقىزىلدى.
تاعى جەتى ادام حايلاكاندي اۋدانىنداعى ەكى كوشكىن كەزىندە قازا تاپتى.
بۇدان بولەك، ءۇندىستان اراب تەڭىزىنىڭ ۇستىندەگى تسيكلون تۋرالى حابارلادى. سينوپتيكتەردىڭ ايتۋىنشا، نيسارگا تسيكلونى مۋمباي قالاسىنا جاقىنداپ كەلەدى. ونىڭ سالدارىنان ماحاراشترا بىرنەشە بولىگى مەن گۋدجاراتا وڭتۇستىك بولىگىندە تولاسسىز جاڭبىر جاۋۋى مۇمكىن.
سيكلون ءۇندىستاننىڭ باتىس جاعالاۋىنداعى باسقا دا اۋدانداردا، سونىڭ ىشىندە سولتۇستىك كەرالا، كارناتاكا مەن گوادا جاڭبىر جاۋۋىنا ىقپال ەتۋى ىقتيمال.