+7 (701) 759 90 19
13 °С : نۇر-سۇلتان
19 °С : الماتى
USD 413.12 EUR 452.86
RUB 5.82 CNY 57.92
جاڭالىقتار

قازاقستاندىق «تەڭىز» كەن الاڭىنان 20 مىڭعا جۋىق جۇمىسشى شىعارىلدى

21 مامىر 21:43
:ءبولىسۋ
قازاقستاندىق «تەڭىز» كەن الاڭىنان 20 مىڭعا جۋىق جۇمىسشى شىعارىلدى

نۇر- سۇلتان. قازاقپارات - «تەڭىز» كەنىشىنەن 19800 جۇمىسشى شىعارىلدى، دەپ حابارلايدى «حابار 24». قازىر ونداعى قاۋىپ ءالى سەيىلگەن جوق. ءبىر تاۋلىكتە 142 ادام ىندەت جۇقتىردى.

وڭىرلىك جەدەل شتات بەرگەن مالىمەت بويىنشا قازىر كەن الاڭىندا قاۋىپتى كەسەل 800-دەي ادامنان انىقتالعان. ەگەر جاعداي وسىلاي جالعاسا بەرسە، كەنىشتى جاۋىپ تاستاۋى دا كادىك.

اتىراۋ وبلىسىنىڭ اكىمى ماحامبەت دوسمۇحامبەتوۆ تەڭىز كەنىشىنە بارىپ، ارالاپ كورىپ، ونداعى احۋالمەن تانىسقان سوڭ شۇعىل جيىن وتكىزدى. «اتىراۋ وبلىسىندا جاعداي تۇراقتانعانىمەنتەڭىز كەنىشىندەگى احۋال ءالى دە الاڭداتادى» دەپ مالىمدەدى ايماق باسشىسى ماحامبەت دوسمۇحامبەتوۆ. سونىمەن قاتار تەڭىز كەنىشىندەگى جاعدايدى رەتتەۋ ماسەلەسى تالعىلانعان ماجىلىستە «قازىرگى كەزدە «تەڭىز» كەنىشىندە ورنالاسقان 25 جاتاقحانادا تۇراتىن 42 مەكەمەنىڭ 709 جۇمىسشىسىنان COVID-19 ينفەكسياسى انىقتالدى. 20 - مامىرداعى مالىمەت بويىنشا 615 ناۋقاستىڭ 594- ءى گوسپيتاليزاتسيالانعان. جاعداي ءالى دە كۇردەلى» دەدى ايماق باسشىسى.

جيىن بارىسىندا وبلىس اكىمدىگى تاراپىنان قۇرىلعان ارنايى شتابتىڭ اتقارۋشى باسشىسى اسلان بەكجانوۆ، جىلىوي اۋداندىق باس سانيتارلىق دارىگەرى تالعات حابيبۋللين، دەنساۋلىق ساقتاۋ مينيسترلىگى كوميتەت ءتوراعاسىنىڭ ورىنباسارى نۇرحان ءسادۋاقاسوۆ، «تەڭىزشيەۆرويل» ج ش س ءوندىرىس وپەراتسيالارى بويىنشا مەنەدجەرى گارري ەنك قالىپتاسقان جاعداي تۋرالى بايانداما جاسادى.

جيىندى قورىتىندىلاعان وبلىس اكىمى ماحامبەت دوسمۇحامبەتوۆ تەڭىز قالاشىعىنداعى وبلىستىق شتاب فيليالى مەن «تەڭىزشيەۆرويل» كومپانياسىنا ءبىرقاتار ناقتى تاپسىرمالار بەردى. اتاپ ايتقاندا، كارانتينگە جابىلعان ۆاحتالىق قالاشىقتارعا قاتاڭ باقىلاۋ جاساۋ، سانيتارلىق- دەزينفەكسيالىق رەجيمدى باقىلاۋ، تۇسىندىرمە جۇمىستارىن بارىنشا ارتتىرۋ، پروۆيزورلىق ستاتسيوناردى مەديتسينالىق ماماندارمەن قامتاماسىز ەتۋدى جەدەلدەتۋدى تاپسىردى. سونداي- اق «تەڭىزشيەۆرويل» كومپانياسىنا مەردىگەر مەكەمەلەرمەن بىرلەسە وتىرىپ جۇمىس مەرزىمى بىتكەن قىزمەتكەرلەردى تەڭىز كەنىشىنەن كەلىسىلگەن تالاپتاردى قاتاڭ ساقتاي وتىرىپ شىعارۋ جوسپارلارىن ازىرلەۋدى جۇكتەدى.

تەڭىز كەنىشىندە 18- ناۋرىزدان باستاپ اۋدان اكىمشىلىگى جانىنان قۇرىلعان شتاب سونداي- اق 20 - ساۋىردەن باستاپ وبلىستىق شتابتىڭ فيليالى جۇمىس ىستەۋدە. بۇدان وزگە كۇنى كەشە قۇرامىنا اتىراۋ وبلىسى اكىمىنىڭ ەكى بىردەي ورىنباسارى، ءبىرقاتار وبلىستىق دەپارتامەنتتەر مەن قۇقىق قورعاۋ ورگاندارىنىڭ باسشىلارى، ت ش و باسشىلىعى جانە وبلىستىڭ باس دارىگەرى مەن دەنساۋلىق ساقتاۋ مينيسترلىگى تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتى ءتوراعاسىنىڭ ورىنباسارى كىرەتىن ارنايى جۇمىس توبى تەڭىز كەنىشىنە بارىپ، جۇمىس ىستەپ جاتىر.

ەسكە سالا كەتەيىك، وتكەن اپتادا اتىراۋعا پرەمەر- مينيستر ورىنباسارى ەرالى توعجانوۆ شۇعىل ساپارمەن كەلىپ، تەڭىز كەنىشىندەگى جاعدايدى تۇراقتاندىرۋعا قاتىستى ءبىرقاتار تاپسىرما بەرگەن بولاتىن.

www.24.kz


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات